കേരളത്തിലെ സ്വർണ വില കുറഞ്ഞു
കൊവിഡ് -19 ആശങ്കകളും അമേരിക്കയും ചൈനയും തമ്മിലുളള വ്യാപാര -രാഷ്ട്രീയ തകർക്കങ്ങളുമാണ് അന്താരാഷ്ട്ര സ്വർണ നിരക്ക് ഉയർന്ന നിലയിൽ തുടരാൻ കാരണം.
തിരുവനന്തപുരം: കേരളത്തിലെ സ്വർണ വിലയിൽ ഇന്ന് കുറവ് രേഖപ്പെടുത്തി. ഇന്ന് ഗ്രാമിന് 50 രൂപയാണ് കുറഞ്ഞത്. പവന് 400 രൂപയും താഴേക്ക് എത്തി. ഗ്രാമിന് 5,200 രൂപയാണ് ഇന്നത്തെ സ്വർണത്തിന്റെ വിൽപ്പന നിരക്ക്. പവന് 41,600 രൂപയും.
ജൂലൈ എട്ടിന്, ഗ്രാമിന് 5,250 രൂപയായിരുന്നു നിരക്ക്. പവന് 42,000 രൂപയും. സ്വർണത്തിന്റെ കേരളത്തിലെ എക്കാലത്തെയും ഉയർന്ന നിരക്കായിരുന്നു ഇത്. അന്താരാഷ്ട്ര സ്വർണവിലയിൽ കഴിഞ്ഞ ദിവസം നേരിയ ഇടിവ് റിപ്പോർട്ട് ചെയ്തു. കമ്മോഡിറ്റി വിപണിയിൽ ട്രോയ് ഔൺസിന് (31.1 ഗ്രാം) 2,030 ഡോളറാണ് നിലവിലെ നിരക്ക്.
കൊവിഡ് -19 ആശങ്കകളും അമേരിക്കയും ചൈനയും തമ്മിലുളള വ്യാപാര -രാഷ്ട്രീയ തകർക്കങ്ങളുമാണ് അന്താരാഷ്ട്ര സ്വർണ നിരക്ക് ഉയർന്ന നിലയിൽ തുടരാൻ കാരണം.