മികച്ച സ്റ്റാർട്ട് അപ്പ് അന്തരീക്ഷത്തിലേക്ക് സംസ്ഥാനത്തെ എത്തിക്കാനുള്ള ചാലകശക്തിയെക്കുറിച്ചുള്ള ചർച്ചയാണ് പ്രധാനം.
കൊച്ചി: സംസ്ഥാനത്തെ സ്റ്റാർട്ട് അപ്പുകളെ ഉൾപ്പെടുത്തി നാഷണൽ ഡീപ് ടെക് സ്റ്റാർട്ടപ്പ് കോൺക്ലേവ് വെള്ളിയും ശനിയുമായി കൊച്ചിയിൽ നടക്കും. കളമശേരിയിലെ ടെക്നോളജി ഇന്നോവേഷൻ സോണിൽ നടക്കുന്ന സമ്മേളനത്തിൽ ആഭ്യന്തര- അന്താരാഷ്ട്ര തലത്തിലുള്ള വിദഗ്ധർ പങ്കെടുക്കും. പ്രമുഖരായ 10 എയ്ഞ്ചൽ നിക്ഷേപകരും വെഞ്ച്വര് ക്യാപിറ്റൽ നിക്ഷേപകരും തെരഞ്ഞെടുക്കപ്പെട്ട സംരംഭകരുമായി ചർച്ച നടത്തും.
മികച്ച സ്റ്റാർട്ട് അപ്പ് അന്തരീക്ഷത്തിലേക്ക് സംസ്ഥാനത്തെ എത്തിക്കാനുള്ള ചാലകശക്തിയെക്കുറിച്ചുള്ള ചർച്ചയാണ് പ്രധാനം. സാങ്കേതിക സ്ഥാപനങ്ങൾ, സേവനദാതാക്കൾ, വിൽപ്പനക്കാർ, ചെറുകിട മധ്യവർഗ്ഗ വ്യവസായങ്ങൾ എന്നിവയുടെ ഉല്പന്നങ്ങളും പ്രദർശനത്തിനുണ്ടാകും.
