ഒരു രക്ഷിതാവിന് മകള് ജനിച്ചയുടന് തന്നെ സുകന്യ സമൃദ്ധി യോജന അക്കൗണ്ടില് തുറക്കാനാകും. അങ്ങനെയെങ്കില് മകളുടെ പേരില് 15 വര്ഷത്തേയ്ക്ക് നിക്ഷേപിക്കാന് സാധിക്കും.
മക്കള് വളരും തോറും അവരുടെ വിദ്യാഭ്യാസ ചെലവുകളും കൂടുകയാണ്. തങ്ങളുടെ കുട്ടികള് നല്ല ജോലി നേടി നല്ല നിലയില് ജീവിക്കണമെന്ന് തന്നെയാണ് രക്ഷിതാക്കളുടെയും ആഗ്രഹം. എന്നാല് ആ ആഗ്രഹത്തിലേക്കെത്തി ചേരണമെങ്കില് കുറച്ച് കടമ്പകള് കടക്കേണ്ടിവരും. മക്കളുടെ ഉപരിപഠന ആവശ്യങ്ങള്ക്കും മറ്റുമായി പണം കരുതി വെയ്ക്കുന്നതിനായി ചിട്ടികളിലോ മറ്റ് സമ്പാദ്യ പദ്ധതികളില് പണം നിക്ഷേപിക്കുന്നവരും കുറവല്ല.
കുട്ടികള്ക്കായി പണം നിക്ഷേപിക്കുമ്പോള് , സുരക്ഷിതമായ, മികച്ച റിട്ടേണ്ലഭിക്കുന്ന സ്കീമുകള് തന്നെ തെരഞ്ഞെടുക്കണം. പെണ്കുട്ടികളുടെ ഉന്നമനത്തിനായി കേന്ദ്ര സര്ക്കാര് രൂപകല്പ്പന ചെയ്ത പദ്ധതികളില് ഒന്നാണ് സുകന്യ സമൃദ്ധി യോജന അഥവാ എസ്എസ് വൈ. 2015 ല് ബേട്ടി ബച്ചാവോ ബേട്ടി പഠാവോ പദ്ധതിയുടെ ഭാഗമായി കേന്ദ്രസര്ക്കാര് ആരംഭിച്ച പദ്ധതിയാണിത്.
2023 24 സാമ്പത്തിക വര്ഷത്തിന്റെ ആദ്യ പാദത്തില് കേന്ദ്രം ചെറുകിട സമ്പാദ്യ പദ്ധതികളുടെ പലിശ നിരക്ക് വര്ധിപ്പിച്ചതോടെ സുകന്യ സമൃദ്ധി യോജനയും കൂടുതല് ആകര്ഷകമായി. നിലവില് 8 ശതമാനം പലിശനിരക്കാണ് എസ്എസ് വൈ പദ്ധതി വാഗ്ദാനം ചെയ്യുന്നത്. നേരത്തെ ഇത് ഇത് 7.6 ശതമാനമായിരുന്നു.
സുകന്യ സമൃദ്ധി യോജന
10 വയസ്സിന് താഴെയുള്ള പെണ്കുട്ടിയുടെ പേരില് അവരുടെ രക്ഷിതാക്കള്ക്ക് സുകന്യ സമൃദ്ധി യോജന പദ്ധതി ആരംഭിക്കാം. ഒരു പെണ്കുട്ടിയുടെ പേരില് ഒരൊറ്റ അക്കൗണ്ട് മാത്രമേ അനുവദിക്കുകയുള്ളു. ഒരു രക്ഷിതാവിന് അവരുടെ രണ്ട് പെണ്കുട്ടികള്ക്ക് മാത്രമാകും അക്കൗണ്ട് ആരംഭിക്കുവാന് സാധിക്കുക. അതായത് മൂന്ന് പെണ്കുട്ടികളുള്ള മാതാപിതാക്കള്ക്ക് രണ്ട് പേരുടെ പേരില് മാത്രമേ അക്കൗണ്ട് ഓപ്പണ് ചെയ്യാന് കഴിയുകയുള്ളു. ബാങ്കുകള് മുഖേനയോ, പോസ്റ്റ് ഓഫീസുകളില് നിന്നോ സുകന്യ സമൃദ്ധി യോജനയില് ചേരാന് സാധിക്കും.
എത്ര തുക നിക്ഷേപിക്കാം, എപ്പോള് നിക്ഷേപം തുടങ്ങണം
ഒരു രക്ഷിതാവിന് മകള് ജനിച്ചയുടന് തന്നെ സുകന്യ സമൃദ്ധി യോജന അക്കൗണ്ടില് തുറക്കാനാകും. അങ്ങനെയെങ്കില് മകളുടെ പേരില് 15 വര്ഷത്തേയ്ക്ക് നിക്ഷേപിക്കാന് സാധിക്കും. കാരണം സുകന്യ സമൃദ്ധി യോജന അക്കൗണ്ടില് പെണ്കുട്ടിക്ക് 14 വയസ് തികയുന്നത് വരെയാണു നിക്ഷേപിക്കാന് സാധിക്കുക. പെണ്കുട്ടിക്ക് 18 വയസാകുമ്പോള് മെച്യൂരിറ്റി തുകയുടെ 50 ശതമാനം പിന്വലിക്കാം. ബാക്കിയുള്ള തുക പെണ്കുട്ടിക്ക് 21 വയസാകുമ്പോള് പിന്വലിക്കാം. സാമ്പത്തിക വര്ഷത്തില് കുറഞ്ഞത് 250 രൂപയും പരമാവധി 1.5 ലക്ഷം രൂപയും പദ്ധതിയില് നിക്ഷേപിക്കാം. പെണ്കുട്ടിക്ക് 18 വയസ്സ് തികയുമ്പോള് അക്കൗണ്ടിന്റെ ഉടമസ്ഥാവകാശം നേടാമെന്നതും ശ്രദ്ധേയമാണ്. ആദായനികുതി നിയമത്തിലെ സെക്ഷന് 80 സി പ്രകാരം സുകന്യ സമൃദ്ധി യോജന പദ്ധതി നികുതി ഇളവ് വാഗ്ദാനം ചെയ്യുന്നുണ്ട്.
മികച്ച റിട്ടേണ്, ആകര്ഷകമായ പലിശ നിരക്ക്
ചെറുകിട സമ്പാദ്യ പദ്ധതികളുടെ പലിശ നിരക്കു സര്ക്കാര് പാദാടിസ്ഥാനത്തില് പരിഷ്കരിക്കും. ഏപ്രില്- ജൂണ് പാദത്തിലെ പലിശ നിരക്ക് 8 ശതമാനമായാണ് വര്ധിപ്പിച്ചത്. നേരത്തെ 7.6 ശതമാനായിരുന്നു പലിശ നിരക്ക്. നേരത്തെ നിക്ഷേപം ആരംഭിച്ചവര്ക്കും പുതിയ പലിശ നിരക്ക് തുടര്ന്ന് ലഭിക്കും. നിക്ഷേപങ്ങളില് നിന്നു ലഭിക്കുന്ന ഏറ്റവും മികച്ച പലിശ നിരക്കാണ് 8 ശതമാനം.
2023ല് നിങ്ങളുടെ 3 വയസ്സുള്ള മകള്ക്ക് സുകന് സമൃദ്ധി യോജന സ്കീമില് നിക്ഷേപിക്കാന് തുടങ്ങിയാല്, മാസതവണകള് കൃത്യമായി അടച്ചാല് 15 വര്ഷത്തിനുള്ളില് നിങ്ങള് മൊത്തം 22,50,000 രൂപയാണ് അക്കൗണ്ടിലുണ്ടാവുക. മാസത്തില് തവണകളായി 12500 രൂപയോ, ഒറ്റത്തവണയായോ നിക്ഷേപം നടത്താം. നിലവില് നിങ്ങള്ക്ക് 8% റിട്ടേണ് ആണ് ലഭിക്കുക. നിക്ഷേപത്തിന് എല്ലാ വര്ഷവും പലിശ കൂട്ടും. 21-ാം വയസ്സിലെത്തുമ്പോഴേയ്ക്കും നിങ്ങളുടെ മകള്ക്ക് 65 ലക്ഷം രൂപയിലധികം ലഭിക്കും. എസ് എസ് വൈ പലിശയ്ക്കും, മെച്യൂരിറ്റി തുകയും പൂര്ണ്ണമായം നികുതി മുക്തമാണ്.
