കോഴിക്കോട് സ്കൂളിൽ സാമൂഹ്യവിരുദ്ധരുടെ അഴിഞ്ഞാട്ടം; ക്ലാസ് മുറികൾക്ക് തീയിട്ടു
കോഴിക്കോട്: ചാലപ്പുറം ഗണപത് ബോയ്സ് സ്കൂളിൽ സാമൂഹ്യവിരുദ്ധരുടെ അഴിഞ്ഞാട്ടം. ക്ലാസ് മുറികളും ഫർണിച്ചറും തീയിട്ട് നശിപ്പിച്ചു. കുട്ടികളുടെ പ്രൊജക്റ്റ് പേപ്പറുകള് സൂക്ഷിച്ചിരുന്ന അലമാരകള്ക്കാണ് തീയിട്ടത്. ഇന്നലെ രാത്രിയാണ് സംഭവം. തിങ്കളാഴ്ച രാവിലെ സ്കൂൾ തുറന്നപ്പോഴാണ് അക്രമവിവരം അറിയുന്നത്. തീപടര്ന്ന അഞ്ചാം ക്ളാസ് സി, ഡി ഡിവിഷനുകളിലെ കുട്ടികളെ സ്കൂളിലെ മറ്റൊരു കെട്ടിടത്തിലേക്ക് മാറ്റി. അടുത്തിടെ സ്കൂളിലെ പൈപ്പുകള് ഒരു സംഘം അടിച്ചു തകര്ത്തിരുന്നു. സംഭവത്തെക്കുറിച്ച് പൊലീസ് അന്വേഷണം ആരംഭിച്ചു.