ബില് ക്ലിന്റൺ ലൈംഗികമായി പീഡിപ്പിച്ചെന്ന് നാല് സ്ത്രീകൾ
വാഷിംഗ്ടണ്: യുഎസ് മുൻ പ്രസിഡന്റ് ബിൽ ക്ലിന്റനെതിരെ ലൈംഗിക ആരോപണവിമായി നാല് സ്ത്രീകള്. ആരോപണം ഉന്നയിച്ചിരിക്കുന്ന സ്ത്രീകൾ നിയമപരമായി മുന്നോട്ട് പോകാന് തീരുമാനിച്ചതായും കേസ് ഒതുക്കണമെങ്കിൽ വൻതുക പണമായി ആവശ്യപ്പെട്ടിട്ടുണ്ടെന്നും ഡെയ്ലി മെയ്ൽ റിപ്പോർട്ട് ചെയ്യുന്നു.
വൈറ്റ് ഹൗസ് വിട്ടശേഷം റോണ് ബർക്ലി എന്ന കോടീശ്വരനുമായി ചേർന്നു പ്രവർത്തിച്ചിരുന്ന സമയം ക്ലിന്റണ് ലൈംഗിക അതിക്രമത്തിനു ശ്രമിച്ചെന്നാണ് ആരോപണം. ബർക്ലിയുടെ സ്വകാര്യ ജെറ്റിൽ ക്ലിന്റണ് സ്ഥിരമായി യാത്ര ചെയ്യാറുണ്ടായിരുന്നു. ഈ സമയം ബർക്ലിയുടെ ഉടമസ്ഥതയിലുള്ള സ്ഥാപനത്തിൽ ജോലി ചെയ്തിരുന്ന സ്ത്രീകളാണ് ഇപ്പോൾ ആരോപണമുന്നയിച്ചിട്ടുള്ളത്.
അതേസമയം വിഷയത്തെ സംബന്ധിച്ച് ബർക്ലിക്കു പോലും അറിവില്ലെന്നും തെളിവുകൾ അവശേഷിക്കുന്നില്ലെന്നുമാണ് റിപ്പോർട്ടിൽ പറയുന്നത്. ഇത് ആദ്യമായല്ല ക്ലിന്റനു നേരെ ലൈംഗിക ആരോപണങ്ങൾ ഉയരുന്നത്.