വീണ്ടും നോക്കുകൂലി; സി ഐ ടി യു തൊഴിലാളികൾ റോഡ് പണി തടസപ്പെടുത്തിയതായി പരാതി
ലോഡ് തങ്ങൾ ഇറക്കാമെന്നും ഇതിനു കൂലി നൽകണമെന്നും ആവശ്യപ്പെട്ട് സി ഐ ടി യുക്കാർ ഭീഷണിപ്പെടുത്തിയതായി ലോറി ജീവനക്കാർ പറഞ്ഞു.
കൊച്ചി: കൊച്ചി വടുതലയിൽ നോക്കുകൂലി ആവശ്യപ്പെട്ട് സി ഐ ടി യു തൊഴിലാളികൾ റോഡ് പണി തടസപ്പെടുത്തിയതായി പരാതി. വടുതല മഹാത്മാ ഗ്രന്ഥ ശാല റോഡിന്‍റെ പണിക്കായി ടൈൽ വിരിക്കൽ ജോലിയാണ് സി ഐ ടി യു തൊഴിലാളികൾ തടസപ്പെടുത്തിയത്.
ലോഡ് തങ്ങൾ ഇറക്കാമെന്നും ഇതിനു കൂലി നൽകണമെന്നും ആവശ്യപ്പെട്ട് സി ഐ ടി യുക്കാർ ഭീഷണിപ്പെടുത്തിയതായി ലോറി ജീവനക്കാർ പറഞ്ഞു. എന്നാൽ ലോഡ് ഇറക്കാൻ തൊഴിലാളികളുടെ ആവശ്യമില്ലെന്ന് കരാറുകാരന്‍ പറഞ്ഞു.
പണം നല്‍കാതെ വാഹനം കൊണ്ടുപോകാന്‍ കഴിയില്ലെന്ന് സി ഐ ടി യു തൊഴിലാളികള്‍ ഭീഷണിപ്പെടുത്തി. സിഐടിയുമായുള്ള തർക്കത്തെ തുടർന്ന് റോഡ് പണി മുടങ്ങുന്നത് മൂന്നാം തവണയാണ്. നാളെ പൊലീസിന്‍റെ സംരക്ഷണത്തില്‍ പണി തുടരും.
Last Updated Dec 7, 2018, 5:38 PM IST
