എന്ഡിഎ വിടുന്ന കാര്യം ആലോചനയില്;തീരുമാനം ഉടനെന്ന് സി.കെ ജാനു
അടുത്ത സംസ്ഥാനകമ്മിറ്റി യോഗത്തിൽ തീരുമാനമെടുക്കുമെന്നും സംസ്ഥാന അധ്യക്ഷ സി.കെ ജാനു പറഞ്ഞു. ശബരിമല സ്ത്രീ പ്രവേശന വിഷയത്തില് കോടതിവിധി നടപ്പാക്കണം എന്നാണ് ആഗ്രഹിക്കുന്നതെന്നും സി.കെ ജാനു പറഞ്ഞു.
തിരുവനന്തപുരം:എൻഡിഎ വിടുന്ന കാര്യം ആലോചനയിലെന്ന് ജനാധിപത്യ രാഷ്ട്രീയ സഭ നേതാവ് സി.കെ ജാനു, രണ്ടുവർഷമായിട്ടും എന്ഡിഎയില് നിന്നും പരിഗണന ലഭിച്ചിട്ടില്ല. മുന്നണി വിടണമെന്ന ചർച്ച പാർട്ടിക്കുള്ളിൽ ഗൗരവമായി നടക്കുന്നുണ്ട്. അടുത്ത സംസ്ഥാനകമ്മിറ്റി യോഗത്തിൽ തീരുമാനമെടുക്കുമെന്നും സംസ്ഥാന അധ്യക്ഷ സി.കെ ജാനു പറഞ്ഞു. ശബരിമല സ്ത്രീ പ്രവേശന വിഷയത്തില് കോടതിവിധി നടപ്പാക്കണം എന്നാണ് ആഗ്രഹിക്കുന്നതെന്നും സി.കെ ജാനു പറഞ്ഞു.
എന്ഡിഎയുടെ ഭാഗമായാല് ദേശീയ പട്ടിക ജാതി-പട്ടിക വര്ഗ്ഗ കമ്മീഷനിലോ കേന്ദ്ര സര്ക്കാരിന്റെ ഏതെങ്കിലും ബോര്ഡ്, കോര്പ്പറേഷനുകളിലോ സി.കെ ജാനുവിന് അംഗത്വം നല്കാമെന്നായിരുന്നു ബി.ജെ.പി നേതൃത്വത്തിന്റെ വാഗ്ദാനം. കേരളത്തില് പട്ടിക വര്ഗ്ഗമേഖല പ്രഖ്യാപിക്കണമെന്ന ആവശ്യവും ജാനു ഉന്നയിച്ചിരുന്നു.