Asianet News MalayalamAsianet News Malayalam

എസ്എൻസി ലാവലിൻ കേസ് പരിഗണിക്കുന്നത് മെയ് നാലിലേക്ക് മാറ്റി

കേസിലെ മൂന്ന് പ്രതികൾ ഹൈക്കോടതിയിൽ വിടുതൽ ഹ‌ർജി നൽകിയ സാ​​ഹചര്യത്തിലാണ് കേസ് മെയിലേക്ക് മാറ്റിവച്ചത്.

cbi court postpones lavlin case to may 4
Author
Trivandrum, First Published Feb 21, 2019, 12:03 PM IST

തിരുവനന്തപുരം: എസ്എൻസി ലാവലിൻ കേസ് പരിഗണിക്കുന്നത് തിരുവനന്തപുരം സിബിഐ പ്രത്യേക കോടതി മെയ് നാലിലേക്ക് മാറ്റി. കേസിലെ മൂന്ന് പ്രതികൾ ഹൈക്കോടതിയിൽ വിടുതൽ ഹ‌ർജി നൽകിയ സാ​​ഹചര്യത്തിലാണ് കേസ് മേയിലേക്ക് മാറ്റിവച്ചത്.

കെ ജി രാജശേഖരൻ നായർ, ആർ ശിവദാസ്, എം കസ്തൂരി രം​ഗ അയ്യ‌ർ എന്നിവരാണ് നിലവിൽ ലാവലിൻ കേസിലെ പ്രതികൾ. ഇന്ന് കേസ് പരിഗണിച്ചപ്പോൾ ഇവർ ഹൈക്കോടതിയിൽ വിടുതൽ ഹ​‌ർജി നൽകിയ കാര്യം അഭിഭാഷക‌ർ കോടതിയെ അറിയിച്ചു. ഇതേ തുട‌ന്നാണ് കേസ് മാറ്റി വച്ചത്. 

കേസിലെ പ്രതികളായ മുഖ്യമന്ത്രി പിണറായി വിജയൻ, മുന്‍ ഊര്‍ജ സെക്രട്ടറി കെ മോഹനചന്ദ്രന്‍, ഊര്‍ജ വകുപ്പ് മുന്‍ ജോയിന്‍റ് സെക്രട്ടറി എ ഫ്രാന്‍സിസ് എന്നിവരെ കോടതി നേരെത്തെ കുറ്റവിമുക്തരാക്കിയിരുന്നു.

Follow Us:
Download App:
  • android
  • ios