സിബിഐ ഡയറക്ടറെ മാറ്റിയ കേന്ദ്ര സര്ക്കാര് നടപടി; കേസിൽ ഇന്ന് സുപ്രീം കോടതി വിധി പറയും
സിബിഐ ഡയറക്ടറെ മാറ്റിയ കേന്ദ്ര സര്ക്കാര് നടപടി ചോദ്യം ചെയ്തുള്ള കേസിൽ ഇന്ന് സുപ്രീം കോടതി വിധി പറയും.
ദില്ലി: സിബിഐ ഡയറക്ടറെ മാറ്റിയ കേന്ദ്ര സര്ക്കാര് നടപടി ചോദ്യം ചെയ്തുള്ള കേസിൽ ഇന്ന് സുപ്രീം കോടതി വിധി പറയും. ചീഫ് ജസ്റ്റിസ് രഞ്ജൻ ഗൊഗോയി അദ്ധ്യക്ഷനായ മൂന്നംഗ ബെഞ്ചാണ് കേസിൽ വിധി പറയുക. കേന്ദ്ര സര്ക്കാര് നടപടി ചോദ്യം ചെയ്ത മുൻ സിബിഐ ഡയറക്ടര് അലോക് വര്മ്മയാണ് കോടതിയെ സമീപിച്ചത്. സിബിഐ ഡയറക്ടറായിരുന്ന അലോക് വര്മ്മയും ഉപ ഡയറക്ടറായിരുന്ന രാകേഷ് അസ്താനയും തമ്മിലുള്ള തര്ക്കത്തെ തുടര്ന്നാണ് ഇരുവരെയും ചുമതലകളിൽ നിന്ന് കേന്ദ്ര സര്ക്കാര് നീക്കിയത്. ഈ നടപടി സുപ്രീംകോടതി വിധിയുടെ ലംഘനമാണെന്ന് ചൂണ്ടിക്കാട്ടിയായിരുന്നു അലോക് വര്മ്മയുടെ ഹര്ജി.
അലോക് വര്മ്മക്കെതിരെ രാകേഷ് അസ്താന നൽകിയ പരാതിയിൽ അന്വേഷണം നടത്തിയ സിവിസി അതിന്റെ റിപ്പോര്ട്ട് കോടതിയിൽ നൽകിയിരുന്നു. അലോക് വര്മ്മക്ക് ക്ളീൻ ചിറ്റ് നൽകാതെയുളള റിപ്പോര്ട്ടാണ് സിവിസി നൽകിയത്. സിബിഐ ഡയറക്ടറെ മാറ്റിയത് റഫാൽ ഇടപാടിലെ അന്വേഷണം അട്ടിമറിക്കാനാണെന്ന ആരോപണവുമായി രാഹുൽ ഗാന്ധി രംഗത്തെത്തിയിരുന്നു.