തിരുവനന്തപുരം: വികസനം മുരടിപ്പിക്കാത്ത പരിസ്ഥിതി സംരക്ഷണമാണു സര്ക്കാറിന്റെ ലക്ഷ്യമെന്നു മുഖ്യമന്ത്രി പിണറായി വിജയന്. അന്ധവും തീവ്രവും അശാസ്ത്രീയവുമായ പരിസ്ഥിതി മൗലികവാദ നിലപാടുകളില് നിയന്ത്രണം വേണമെന്നും അദ്ദേഹം ചൂണ്ടിക്കാട്ടി.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പരിസ്ഥിതി വിഷയങ്ങള് കൈകാര്യംചെയ്യാന് കൂടുതല് ഗവേഷണ സംവിധാനങ്ങള് ആവശ്യമുണ്ടെന്നു ഫേസ്ബുക്ക് പോസ്റ്റില് മുഖ്യമന്ത്രി പറഞ്ഞു. ഈ മേഖലയില് പ്രാവീണ്യം നേടിയവരാണ് ഇക്കാര്യത്തില് മാതൃകാപരമായ അഭിപ്രായം രേഖപ്പെടുത്തേണ്ടത്. ഇത്തരം അഭിപ്രായങ്ങള് പഠിച്ച് വിവേകപൂര്വം ഇടപെടുമ്പോഴാണു ശാശ്വത പരിഹാരം കാണാനാവുക.
പരിസ്ഥിതി വിഷയങ്ങളില് നിയമം കര്ശനമാക്കുന്നതോടൊപ്പം പരിസ്ഥിതി പ്രശ്നത്തിന്റെ ദുരുപയോഗം തടയണമെന്നും മുഖ്യമന്ത്രി പറഞ്ഞു.
