തിരുവനന്തപുരം: ഡിജിപി സ്ഥാനത്തുനിന്ന് ടി പി സെന്കുമാറിനെ നീക്കിയതിന്റെ ഗുണം കണ്ടുതുടങ്ങിയെന്ന് മുഖ്യമന്ത്രി.മാറ്റണം എന്നുള്ളത് കൊണ്ടുതന്നെയാണ് ഡിജിപിയെ മാറ്റിയതെന്നും മുഖ്യമന്ത്രി നിയമസഭയില് പറഞ്ഞു. നിഷ്ക്രിയരെ വിജിലന്സില് നിന്ന് ഒഴിവാക്കുമെന്നും മുഖ്യമന്ത്രി വ്യക്തമാക്കി.
പൊലീസിന്റെ തലപ്പത്തുനിന്ന് ടി പി സെന്കുമാറിനെ നീക്കിയതില് മുഖ്യമന്ത്രിയുടെ വിശദീകരണം ഇതാദ്യം. സുപ്രധാന കേസുകളുടെ അന്വേഷണത്തില് വീഴ്ച വരുത്തിയതിനെ തുടര്ന്നാണ് സെന്കുമാറിനെ നീക്കിയത്. ഇതിന് പിന്നില് രാഷ്ട്രീയതാല്പര്യമില്ലെന്ന് മുഖ്യമന്ത്രി സഭയില് പറഞ്ഞു.
പൊലീസ് തലപ്പത്തെ അഴിച്ചുപണി സേനയുടെ മനോവീര്യം തകര്ത്തെന്ന പ്രതിപക്ഷത്തിന്റെ ആക്ഷേപത്തിന് മറുപടി പറയുകയായിരുന്നു മുഖ്യമന്ത്രി. നിഷ്ക്രിയരായ ഉദ്യോഗസ്ഥരെ ഒഴിവാക്കും. വിജിലന്സിനെ ദുരുപയോഗം ചെയ്യാത്ത, സത്യസന്ധരായ ഉദ്യോഗസ്ഥരെ മാത്രം നിയമിക്കുമെന്നും മുഖ്യമന്ത്രി ചോദ്യോത്തരവേളയില് പറഞ്ഞു.
