ശബരിമല തീര്ഥാടനവുമായി ബന്ധപ്പെട്ട് റോഡ് ഗതാഗതം തടയുകയും പരിശോധന നടത്തുകയും ചെയ്യുന്നവര്ക്കെതിരെ കര്ശന നടപടി സ്വീകരിക്കാന് ഡിജിപി ലോക്നാഥ് ബെഹ്റ റേഞ്ച് ഐ.ജിമാര്ക്കും ജില്ലാ പോലീസ് മേധാവിമാര്ക്കും നിര്ദ്ദേശം നല്കി. ഇത്തരം പ്രവൃത്തികളില് ഏര്പ്പെടുന്നവര്ക്കെതിരെ കേസ് രജിസ്റ്റര് ചെയ്യാനും ഡിജിപി നിര്ദ്ദേശിച്ചിട്ടുണ്ട്.
തിരുവനന്തപുരം: ശബരിമല റോഡ് ഗതാഗതം തടസ്സപ്പെടുത്തുന്നവര്ക്കെതിരെ കര്ശന നടപടിയെന്ന് സംസ്ഥാന പോലീസ് മേധാവി. ശബരിമല തീര്ഥാടനവുമായി ബന്ധപ്പെട്ട് റോഡ് ഗതാഗതം തടയുകയും പരിശോധന നടത്തുകയും ചെയ്യുന്നവര്ക്കെതിരെ കര്ശന നടപടി സ്വീകരിക്കാന് ഡിജിപി ലോക്നാഥ് ബെഹ്റ റേഞ്ച് ഐ.ജിമാര്ക്കും ജില്ലാ പോലീസ് മേധാവിമാര്ക്കും നിര്ദ്ദേശം നല്കി. ഇത്തരം പ്രവൃത്തികളില് ഏര്പ്പെടുന്നവര്ക്കെതിരെ കേസ് രജിസ്റ്റര് ചെയ്യാനും ഡിജിപി നിര്ദ്ദേശിച്ചിട്ടുണ്ട്.
നിലയ്ക്കല്, പമ്പ മേഖലകളില് പോലീസ് പട്രോളിങ് സംഘങ്ങളെയും സ്ട്രൈക്കര് സംഘങ്ങളെയും നിയോഗിച്ചിട്ടുണ്ട്. വടശ്ശേരിക്കര - നിലയ്ക്കല്, എരുമേലി - നിലയ്ക്കല് റൂട്ടുകളില് ഒരു വിഭാഗം ആളുകള് ഗതാഗത തടസ്സവും വാഹനപരിശോധനയും നടത്തുന്നത് തടയുന്നതിന് വനിതാ പോലീസ് ഓഫീസര്മാര് ഉള്പ്പെടെയുള്ള സംഘങ്ങളെ നിയോഗിക്കും. എല്ലാ നിയമലംഘനങ്ങളും തടയാന് നടപടി സ്വീകരിക്കും. നിയമം കയ്യിലെടുക്കാന് ആരെയും അനുവദിക്കില്ലെന്നും ഡിജിപി വ്യക്തമാക്കി.
