കൊച്ചി: നടിയെ ആക്രമിച്ച സംഭവത്തിന്റെ ഗൂഢാലോചനാ കേസില് ജയിലില് കഴിയുന്ന നടന് ദിലീപിന് ജാമ്യം. ജാമ്യം ലഭിച്ച സാഹചര്യത്തില് പോലീസ് സുരക്ഷ ശക്തമാക്കി. ദിലീപിനെ സ്വീകരിക്കാന് ആരാധകര് ജയില് പരിസരത്ത് ഒഴുകിയെത്തിയതിനെ തുടര്ന്നാണ് സുരക്ഷ ശക്തമാക്കിയത്. അതേസയം ദിലീപിന്റെ ജാമ്യം റോഡ് ഷോ ഉള്പ്പെടെയുള്ള കാര്യങ്ങള് ഒരുക്കി ആഘോഷമാക്കാനാണ് ആരാധകര് തീരുമാനിച്ചിരിക്കുന്നത്.
അഞ്ചുമണിയോടുകൂടി ദിലീപ് പുറത്തേക്ക് വരുമെന്നാണ് റിപ്പോര്ട്ടുകള്. വലിയ ആള്ക്കൂട്ടമാണ് ദിലിപീനായി കാത്തുനില്ക്കുന്നത്. പ്രായഭേദമന്യേ സ്ത്രീകളും കുട്ടികളുമടക്കം നിരവധി പേര് ദിലീപിനെ കാണാനായി എത്തിയിട്ടുണ്ട്. 86 ദിവസം ജയിലില് കഴിഞ്ഞ ദിലീപിന് കര്ശന ഉപാധികളോടെ പുറത്തിറങ്ങാം.
