ഇറ്റലിയില്‍ വന്‍ ഭൂചലനം
റോം: ഇറ്റലിയില്‍ വീണ്ടും വന്‍ ഭൂചലനം. നോര്‍ഷ്യക്ക് സമീപമാണ് ശക്തമായ ഭൂചലനം. റിക്ടർ സ്കെയിലിൽ 6.6 തീവ്രത രേഖപ്പെടുത്തിയ ചലനത്തിൽ നിരവധി കെട്ടിടങ്ങൾക്ക് നാശനഷ്ടം സംഭവിച്ചു. അപകടത്തിൽ ആളപായമുണ്ടായതായി റിപ്പോര്‍ട്ടില്ല.
രണ്ട് മാസം മുമ്പുണ്ടായ ഭൂകമ്പത്തിന്റെ നടുക്കം വിട്ടുമാറും മുമ്പായാണ് ജനങ്ങളെ ഭീതിയിലാക്കി വീണ്ടും ഭൂചലനമുണ്ടായിരിക്കുന്നത്. 300 പേരാണ് അന്നത്തെ ഭൂകമ്പത്തിൽ മരിച്ചത്.
ഞായറാഴ്ച പ്രാദേശിക സമയം 7.40നാണ് ഭൂചലനം. അയല്‍രാജ്യങ്ങളായ ക്രൊയേഷ്യ, സ്ലൊവേന്യ, ബോസ്നിയ ഹെസ്സഗോവിനിയ എന്നിവടങ്ങളിലും ചലനം അനുഭവപ്പെട്ടു.
പെറുഗിയക്ക് 67 കിലോമീറ്റര്‍ അകലെയാണ് ഭൂകമ്പത്തിന്റെ പ്രഭവ കേന്ദ്രമെന്ന് യു.എസ് ജിയോളജിക്കല്‍ സര്‍വെ അറിയിച്ചു.
Last Updated Oct 5, 2018, 12:10 AM IST
