വിവാഹ വീട്ടില് പാചകവാതക സിലിണ്ടര് പൊട്ടിത്തെറിച്ചു; മരണം 18 ആയി
ജയ്പുര്: വിവാഹ വീട്ടില് പാചകവാതക സിലിണ്ടര് പൊട്ടിത്തെറിച്ചുണ്ടായ അപകടത്തില് മരിച്ചവരുടെ എണ്ണം 18 ആയി. രാജസ്ഥാനിലെ അജ്മീര് ജില്ലയിലെ ബീവാര് ടൗണിലാണ് വെള്ളിയാഴ്ച അപകടമുണ്ടായത്. രണ്ട് നിലകളുള്ള വീട്ടില് അതിഥികള് നിരഞ്ഞ സമയത്താണ് സിലിണ്ടര് പൊട്ടിത്തെറിച്ചത്. അജ്മീര് സ്വദേശി സുരേന്ദ്ര കുമാര് പരേച്ച തന്റെ മകന്റെ വിവാഹ ചടങ്ങിന് ഒരുക്കിയ വേദിയിലായിരുന്നു അപകടം. ഞായറാഴ്ച നടത്തിയ തെരച്ചിലില് ഒന്പത് മൃതദേഹങ്ങള് കൂടി കണ്ടെടുത്തു.
പാചകത്തൊഴിലാളികളില് ഒരാള് ഒഴിഞ്ഞ ഗ്യാസ് സിലിണ്ടറിലേക്ക് മറ്റൊരു സിലിണ്ടറില് നിന്ന് പാചകവാതകം നിറയ്ക്കാന് ശ്രമിച്ചപ്പോഴാണ് തീപിടിച്ചതെന്ന് സ്ഥലത്തുണ്ടായിരുന്നവര് പറഞ്ഞു. അപകടത്തില് മരിച്ചവര്ക്ക് രണ്ട് ലക്ഷം രൂപയും പരിക്കേറ്റവര്ക്ക് 50,000 രൂപയും സര്ക്കാര് ധന സഹായം പ്രഖ്യാപിച്ചിട്ടുണ്ട്. അപകടത്തില് പരിസരത്തെ വീടുകള്ക്കും കേടുപാടുകള് സംഭവിച്ചിട്ടുള്ളതിനാല് അവര്ക്കും നഷ്ടപരിഹാരം നല്കുമെന്ന് സര്ക്കാര് വ്യക്തമാക്കി..