മദ്യവുമായി ബന്ധപ്പെട്ട ഒരു പോസ്റ്റുകളും ഗ്രൂപ്പില്‍ അനുവദനീയമല്ല തിരുത്തുമായി ജിഎന്‍പിസി
തിരുവനന്തപുരം:മദ്യപന്മാരെ പ്രോത്സാഹിപ്പിക്കുന്നു എന്നാരോപിച്ച് എക്സൈസ് കേസെടുത്ത ജിഎന്പിസി (ഗ്ലാസിലെ നുരയും പ്ലേറ്റിലെ കറിയും ) ഫേസ്ബുക്ക് ഗ്രൂപ്പിന്റെ 'എബോട്ട് ദിസ് ഗ്രൂപ്പില്' തിരുത്ത്. മദ്യവുമായി ബന്ധപ്പെട്ട ഒരു പോസ്റ്റുകളും ഗ്രൂപ്പില് അനുവദനീയമല്ലെന്നാണ് ജിഎന്പിസി കുറിച്ചിരിക്കുന്നത്. ജിഎന്പിസിയുടെ ലോഗോയും നാമവും വ്യാജമായി ഉപയോഗിച്ച് മദ്യത്തെ പ്രോത്സാഹിപ്പിക്കുന്ന ഗ്രൂപ്പുകളുമായി ഈ ഗ്രൂപ്പിന് യാതൊരു ബന്ധവും ഇല്ലെന്നും ജിഎന്പിസി പറയുന്നു. സ്വാദിഷ്ടമായ ഭക്ഷണത്തിന്റെയും പാനീയങ്ങളുടെയും ചിത്രങ്ങളും കഥകളും പോസ്റ്റ് ചെയ്യേണ്ട ഗ്രൂപ്പാണിത്. ജാതി,മത,രാഷ്ട്രീയ വിത്യാസങ്ങളില്ലാതെ സന്തോഷം മാത്രം ആഗ്രഹിക്കുന്ന മനുഷ്യര് മാത്രം ഉള്ള ഇടമാണിതെന്നും ജിഎന്പിസി കുറിക്കുന്നു.
അതേസമയം ജിഎന്പിസി ഫേസ്ബുക്ക് ഗ്രൂപ്പ് അഡ്മിന് അജിത് കുമാര് മുന്കൂര് ജാമ്യം തേടി ജില്ലാ കോടതിയെ സമീപിച്ചു. മദ്യപാനം പ്രോത്സാഹിപ്പിക്കുന്നു എന്നാരോപിച്ച് ഗ്രൂപ്പ് അഡ്മിന്മാര്ക്കെതിരെ എക്സൈസ് വകുപ്പ് നേരത്തെ കേസെടുത്തിരുന്നു. ഇതിനെ തുടര്ന്നാണ് മുന്കൂര് ജാമ്യം തേടി ഗ്രൂപ്പ് അഡ്മിന് അജിത് ജില്ലാ കോടതിയെ സമീപിച്ചത്.
