ഗ്വാളിയോർ രൂപത ബിഷപ്പ് മാർ തോമസ് തെന്നാട്ട് വാഹനാപകടത്തിൽ മരിച്ചു. കോട്ടയം അതിരൂപതാംഗവും ഏറ്റുമാനൂർ സെന്റ് ജോസഫ് ഇടവകാംഗവുമാണ് മാർ തോമസ് തെന്നാട്ട്.
കോട്ടയം: ഗ്വാളിയോർ രൂപത ബിഷപ്പ് മാർ തോമസ് തെന്നാട്ട് വാഹനാപകടത്തിൽ മരിച്ചു. രൂപതയുടെ കീഴിലുള്ള സ്കൂളിലെ വാർഷികാഘോഷ പരിപാടിയിൽ പങ്കെടുത്ത് മടങ്ങുമ്പോൾ ബിഷപ്പ് സഞ്ചരിച്ച കാർ അപകടത്തിൽപ്പെടുകയായിരുന്നു.
Add Asianetnews as a Preferred Source
ഉടന്തന്നെ തൊട്ടടുത്തുള്ള ആശുപത്രിയില് എത്തിച്ചു പ്രാഥമിക ശുശ്രൂഷ നടത്തിയതിനുശേഷം ഗ്വാളിയോര് സെന്റ് ജോസഫ് ഹോസ്പിറ്റലില് എത്തിച്ചെങ്കിലും ജീവന് രക്ഷിക്കാനായില്ല. കാർ തെന്നി തലകീഴായി മറിയുകയായിരുന്നു. ബിഷപ്പിന്റെ തലക്ക് ഗുരുതരമായ പരിക്കേറ്റുവെന്ന് രൂപതാ അറിയിച്ചു.
കോട്ടയം അതിരൂപതാംഗവും ഏറ്റുമാനൂര് സെന്റ് ജോസഫ് ഇടവകാംഗവുമാണ് മാര് തോമസ് തെന്നാട്ട്. 2016 ഒക്ടോബര് 18നാണ് ഫ്രാന്സിസ് മാര്പാപ്പ ഇദ്ദേഹത്തെ ഗ്വാളിയോര് രൂപത ബിഷപ്പായി നിയമിച്ചത്.
