എച്ഡിഎഫ്സി ബാങ്ക് വൈസ് പ്രസിഡൻറ് സിദ്ധാർത്ഥ് സാങ്വിയെ കാണാനില്ല
മുംബൈയിലെ കമലാ ഹിൽസിലെ ഓഫീസിൽ നിന്ന് സെപ്റ്റംബർ 5 മുതലാണ് കാണാതായത്. കോപ്പർഹൈനയിൽ വെച്ച് സാങ്വിയുടെ കാർ കണ്ടെത്തി.
മുംബൈ: എച് ഡി എഫ് സി ബാങ്ക് വൈസ് പ്രസിഡൻറ് സിദ്ധാർത്ഥ് സാങ്വിയെ കാണാതായി. മുംബൈയിലെ കമലാ ഹിൽസിലെ ഓഫീസിൽ നിന്ന് സെപ്റ്റംബർ 5 മുതലാണ് കാണാതായത്.
അതേസമയംസിദ്ധാർഥിന്റെ കാർ മുംബൈ ഐരോളിയിൽനിന്ന് ദുരൂഹ സാഹചര്യത്തിൽ കണ്ടെത്തി. കാറിൽനിന്ന് രക്തക്കറ കണ്ടെത്തിയെന്നും, സിദ്ധാർത്ഥിനെ വകവരുത്തിയതായി സംശയിക്കുന്നതായും മുംബൈ പൊലീസ് പറഞ്ഞു.
ബുധനാഴ്ച ഒഫീസിൽ നിന്ന് ജോലികഴിഞ്ഞ് വീട്ടിലേയ്ക്ക് മടങ്ങിയ സാങ്വിയെ ഏറെ വൈകിയും കാണാതായതോടെ ഭാര്യയാണ് പൊലീസിൽ സമീപിച്ചത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.