ഇടുക്കിയില്‍ കനത്ത മഴ; വ്യാപക നാശനഷ്‌ടം
ഇടുക്കി: കനത്ത മഴയില്‍ ഇടുക്കിയിലെ അറക്കുളം പ‍ഞ്ചായത്തില്‍ വ്യാപക നാശനഷ്‌ടം. മലയോര മേഖലയായ ഇടാട്, ഇലപ്പള്ളി, ചേറാടി, പതിപ്പള്ളി തെക്കുംഭാഗം എന്നിവടങ്ങളില്‍ ഉരുള്‍പൊട്ടലില്‍ കൃഷിനാശമുണ്ടായി. കനത്ത വെള്ളപ്പൊക്കത്തില്‍ പലയിടത്തും റോഡ് തകര്‍ന്ന് ഗതാഗതം ഭാഗികമായി തടസ്സപ്പെട്ടു.
ചേറാടിയിലുണ്ടായ ഉരുള്‍പൊട്ടലില്‍ മൂലമറ്റം - ചേറാടി റോഡിലും ഗതാഗതം തടസ്സപ്പെട്ടു. താഴ് വാരം കോളനിയിലെ ആറു വീടുകളില്‍ വെള്ളം കയറി. ഇവിടുത്തെ ഒരു കോഴിഫാമില്‍ വെള്ളം കയറിയതിനെ തുടര്‍ന്ന് അഞ്ഞൂറോളം കോഴികള്‍ ചത്തു.
മൂലമറ്റം - വാഗമണ്‍ റോഡിലും ഏറെ നേരം ഗതാഗതം തടസ്സപ്പെട്ടു. മണപ്പാടി പുഴയില്‍ വെള്ളം ഉയര്‍ന്നതിനെ തുടര്‍ന്ന് മണപ്പാടി ചപ്പാത്തിലും വെള്ളം കയറി. രാത്രിയോടെ മഴയുടെ ശക്തി കുറഞ്ഞിട്ടുണ്ട്.
Last Updated Oct 5, 2018, 12:26 AM IST
