Asianet News MalayalamAsianet News Malayalam

കേരളത്തില്‍ കനത്ത മഴ തുടരുമെന്ന് മുന്നറിയിപ്പ്

heavy rain to continue in kerala
Author
First Published Jun 8, 2016, 12:07 AM IST
  • Facebook
  • Twitter
  • Whatsapp

തിരുവനന്തപുരം: സംസ്ഥാനത്ത് മഴ കനക്കുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. സംസ്ഥാനത്ത് പലയിടങ്ങളിലും ഇന്നലെ രാത്രി മുതല്‍ കനത്ത മഴ തുടരുകയാണ്. കാലവര്‍ഷമെത്തിയതിന്റെ സൂചനയായാണ് ഇപ്പോഴത്തെ കനത്ത മഴയെ കാലാവസ്ഥാ നിരീക്ഷണകേന്ദ്രം കാണുന്നത്. മലയോരമേഖലകളില്‍ താമസിക്കുന്നവര്‍ക്കും ഹില്‍ സ്‌റ്റേഷനുകളിലേക്കെത്തുന്ന വിനോദസഞ്ചാരികള്‍ക്കും ദുരന്തനിവാരണവിഭാഗം മുന്നറിയിപ്പ് നല്‍കി. ഇവിടങ്ങളിലേക്ക് രാത്രി യാത്ര നിരോധിക്കണമെന്നും നിര്‍ദേശമുണ്ട്. തെക്കന്‍ ജില്ലകളിലെ തീരദേശ മേഖലകളില്‍ രൂക്ഷമായ കടലാക്രമണത്തിനും സാധ്യതയുണ്ട്. വടക്കന്‍ ജില്ലകളെ അപേക്ഷിച്ച് തെക്കന്‍ ജില്ലകളിലാണ് കനത്ത മഴ പെയ്യുന്നത്. മഴ പലയിടത്തും ഗതാഗതം താറുമാറാക്കിയിട്ടുണ്ട്. ചില സ്ഥലങ്ങളില്‍ വൈദ്യുതി ബന്ധം വിച്ഛേദിക്കപ്പെട്ടിട്ടുണ്ട്.

Follow Us:
Download App:
  • android
  • ios