മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ വിലയിരുത്തുന്നതിന് വേണ്ടി ഇന്ന് മുഖ്യമന്ത്രി പിണറായി വിജയന്‍റെ നേതൃത്വത്തില്‍ പ്രത്യേക യോഗം ചേരും. രാവിലെ പതിനൊന്ന് മണിക്ക് ചേരുന്ന യോഗത്തില്‍ ആരോഗ്യമന്ത്രിയും തദ്ദേശഭരണവകുപ്പ് മന്ത്രിയും വിവിധ വകുപ്പ് മേധാവികളും പങ്കെടുക്കും. ശുചീകരണപ്രവര്‍ത്തനങ്ങള്‍ക്ക് കൂടുതല്‍ തുക ആനുവദിക്കുന്നത് ഉള്‍പ്പെയുള്ള കാര്യങ്ങള്‍ ചര്‍ച്ചയാവും. മഴക്കാലത്ത് സാംക്രമികരോഗങ്ങള്‍ പടരുന്നത് തടയുന്നതിനുള്ള നടപടികളും ചര്‍ച്ച ചെയ്യും. ബുധനാഴ്ച സത്യപ്രതിജ്ഞക്ക് ശേഷം നടന്ന പുതിയ സര്‍ക്കാറിന്റെ ആദ്യ മന്ത്രിസഭാ യോഗത്തിലാണ് ഇന്ന് പ്രത്യേക യോഗം ചേരാനുള്ള തീരുമാനമെടുത്തത്.