Asianet News MalayalamAsianet News Malayalam

ജിദ്ദ ചാവേർ ആക്രമണം; മൂന്നു പാകിസ്ഥാനികൾ അറസ്റ്റിൽ

Jeddah suicide attack, 3 Pakistani's held
Author
Jeddah, First Published Jul 29, 2016, 7:33 PM IST
  • Facebook
  • Twitter
  • Whatsapp

ജിദ്ദ: ജിദ്ദയിലെ അമേരിക്കൻ കോൺസുലേറ്റിനു സമീപത്തെ ചാവേർ ആക്രമണത്തില്‍ മൂന്നു പാകിസ്ഥാനികൾ കൂടി അറസ്റ്റിൽ. കഴിഞ്ഞ നാലു ദിവസത്തിനിടെ 13 പേരെയാണ് സുരക്ഷാ വകുപ്പുകൾ അറസ്റ്റ് ചെയ്തത്. ജിദ്ദയിലെ അമേരിക്കൻ കോൺസുലേറ്റിനു സമീപം ചാവേർ സ്ഫോടനം നടത്തിയ പാകിസ്ഥാനി അബ്ദുള്ള ഗുൽസാർ ഖാനുമായി ബന്ധമുള്ള മൂന്നു പാകിസ്ഥാനികളെ കൂടി സുരക്ഷാ വകുപ്പുകൾ  അറസ്റ്റ് ചെയ്തു.

കഴിഞ്ഞ റമദാൻ അവസാനമാണ് യു എസ് കോൺസുലേറ്റിനു സമീപം പാകിസ്ഥാൻ യുവാവ് ബെൽറ്റ് ബോബ് അണിഞ്ഞു സ്ഫോടനം നടത്തിയത്. കഴിഞ്ഞ നാലു ദിവസത്തിനിടെ 13 പേരെയാണ് സുരക്ഷാ വകുപ്പുകൾ അറസ്റ്റ് ചെയ്തത്. ഇതിൽ മൂന്നു പേര് പാകിസ്ഥാനികളും ബാക്കിയുള്ളവർ സൗദികളും പലസ്തീനികളും ആണ്.

ഭീകര പ്രവർത്തനങ്ങളുമായി ബന്ധപ്പെട്ട കേസുകളിൽ സൗദിയിൽ ജനറൽ ഇൻവെസ്റ്റിഗേഷൻ ഡിപ്പാർട്ടമെന്റിനു കീഴിലെ അഞ്ചു ജയിലുകളിൽ അകെ 5424 പേരാണ് കഴിയുന്നത്. ഇതിൽ 51 പാകിസ്ഥാനികളും 26 പേര്  പലസ്തീനികളും ആണ്.

Follow Us:
Download App:
  • android
  • ios