ദലിതര്ക്കെതിരെ എപ്പോള് ആക്രമണമുണ്ടായാലും പ്രധാനമന്ത്രിക്ക് മൗനം-ജിഗ്നേഷ് മെവാനി
ദില്ലി: ദളിതര്ക്കെതിരെ രാജ്യത്ത് എപ്പോള് ആക്രമം നടന്നാലും പ്രധാനമന്ത്രിക്ക് മൗനമാണെന്ന് ജിഗ്നേഷ് മെവാനി. സമാധാനപരമായ പ്രതിഷേധിക്കാന് ദളിതര്ക്ക് അവകാശമില്ലേയെന്നും അദ്ദേഹം ചോദിച്ചു.
മഹാരാഷ്ട്രയിലെ ദലിത് പ്രശ്നത്തെക്കുറിച്ച് പ്രധാനമന്ത്രി എന്ത് കൊണ്ടാണ് പ്രതികരിക്കാത്തത്? ഈ രാജ്യത്ത് ജാതി വ്യവസ്ഥ ഇപ്പോഴുമുണ്ടോ എന്ന് അദ്ദേഹം വ്യക്തതമാക്കണം. രാജ്യത്ത് ദലിതര് എന്ത് കൊണ്ടാണ് സുരക്ഷിതരല്ലാത്തതെന്നും ഇക്കാര്യത്തില് പ്രധാനമന്ത്രി മൗനം വെടിഞ്ഞേ പറ്റൂവെന്നും അദ്ദേഹം ആവശ്യപ്പെട്ടു. തന്നെ സര്ക്കാര് ടാര്ഗറ്റ് ചെയ്യുകയാണ്. തന്റെന്റെ പ്രസംഗത്തിലെ ഒരു വാക്ക് പോലും അപകീര്ത്തിപരമായിരുന്നില്ല. ഒരു എം.എല്.എയും അഭിഭാഷകനുമായ താന് പോലും വേട്ടയാടപെടുന്നുവെങ്കില്
രാജ്യത്തെ സാധാരണക്കാരന്റെ അവസ്ഥ എന്തായിരിക്കുമെന്നും അദ്ദേഹം ചോദിച്ചു.