പാലക്കാട്; കാടിനെ അറിയാനും ആദിവാസികളുടെ ജീവിതരീതികൾ കണ്ടു മനസ്സിലാക്കാനുമായി വനംമന്ത്രിയുടേയും സ്പീക്കറുടേയും നേതൃത്വത്തിൽ 23 എംഎൽഎമാർ കാടുകയറുന്നു. പറമ്പിക്കുളം വന്യജീവിസങ്കേതത്തിലെത്തിയാണ് ഇവർ വനജീവിതം പഠിക്കുന്നത്.
ക്യാംപിന്റെ ഭാഗമായി ആദിവാസി കലാരൂപങ്ങള് കാണുന്ന ജനപ്രതിനിധി സംഘം ട്രക്കിങ്ങും നടത്തും . മുന്മന്ത്രി ബിനോയ് വിശ്വം പരിസ്ഥിതി സംരക്ഷണത്തെക്കുറിച്ച് നിയമസഭാ സാമാജികര്ക്ക് ക്ലാസെടുക്കും . പൊള്ളാച്ചി, സേതുമട വഴിയാണ് എംഎൽഎമാരുടെ സംഘം ആനമല കടുവാ സങ്കേതത്തിലേക്ക് എത്തിയത്.
തണ്ടര്ബോള്ട്ടിന്റെയും പൊലീസിന്റെയും കനത്ത സുരക്ഷയും ഇവർക്കായി രുക്കിയിട്ടുണ്ട്. ക്യാംപിനിടെ പറമ്പിക്കുളം ഇക്കോ വിനോദസഞ്ചാര കേന്ദ്രത്തിന്റെ ഇന്ഫോര്മേഷന് സെന്റര് വനം മന്ത്രി ഉദ്ഘാടനം ചെയ്തു. ലൈബ്രറിയും , ഫോട്ടോ ഗാലറിയും രണ്ട് കോടി ചിലവില് നിര്മ്മിച്ച ഇന്ഫോര്മേഷന് സെന്ററിലുണ്ട്.
