Asianet News MalayalamAsianet News Malayalam

ശബരിമലയിലേക്ക് ഇനി കര്‍ണാടക ആര്‍ടിസിയുടെ ബസുകളുമെത്തും

കര്‍ണാടക റോഡ് ട്രാന്‍സ്‌പോര്‍ട്ട് കോര്‍പറേഷന്റെ ബെംഗളൂരു-പമ്പ ബസ് സര്‍വീസ് ഡിസംബര്‍ ഒന്നിന് തുടങ്ങും.  രാജഹംസ, ഐരാവത് വോള്‍വോ ബസുകളാണ് സര്‍വീസ് നടത്തുക. 

karnataka rtc bus started services to sabarimala
Author
Karnataka, First Published Nov 21, 2018, 12:36 PM IST

ബംഗളൂരു: ശബരിമലയിലേക്കുള്ള തീര്‍ത്ഥാടകരെ ലക്ഷ്യമിട്ട് കര്‍ണാടക റോഡ് ട്രാന്‍സ്‌പോര്‍ട്ട് കോര്‍പറേഷന്റെ ബെംഗളൂരു-പമ്പ ബസ് സര്‍വീസ് ഡിസംബര്‍ ഒന്നിന് തുടങ്ങും.  രാജഹംസ, ഐരാവത് വോള്‍വോ ബസുകളാണ് സര്‍വീസ് നടത്തുക. ബെംഗളൂരുവിലെ ശാന്തിനഗര്‍ ബസ്സ്റ്റാന്‍ഡില്‍നിന്ന് ഉച്ചയ്ക്ക് ഒരുമണിക്ക് പുറപ്പെടുന്ന രാജഹംസ ബസ് 1.30-ന് മൈസൂരു റോഡ് സാറ്റലൈറ്റ് ബസ്സ്റ്റാന്‍ഡിലും  4.30-ന് മൈസൂരുവിലും പിറ്റേന്ന് രാവിലെ 8.15-ന് പമ്പയിലും എത്തും. 

തിരിച്ച് വൈകീട്ട് അഞ്ചിന് പമ്പയില്‍നിന്ന് പുറപ്പെടുന്ന ബസ് അടുത്തദിവസം ഉച്ചയ്ക്ക്  ബെംഗളൂരുവില്‍ എത്തും. ശാന്തിനഗര്‍ ബസ്സ്റ്റാന്‍ഡില്‍നിന്ന് ഉച്ചകഴിഞ്ഞ് 2.01-ന് പുറപ്പെടുന്ന ഐരാവത് വോള്‍വോ സര്‍വീസ് 2.31-ന് മൈസൂരു റോഡ് സാറ്റലൈറ്റ്  ബസ്സ്റ്റാന്‍ഡിലും 5.30-ന് മൈസൂരുവിലും പിറ്റേന്ന് രാവിലെ 6.45-ന് പമ്പയിലും എത്തും.  തിരികെ വൈകീട്ട് 6.01-ന് പമ്പയില്‍നിന്ന് പുറപ്പെടുന്ന ബസ്  അടുത്തദിവസം രാവിലെ 9.45-ന് ബെംഗളൂരുവില്‍ എത്തും. കര്‍ണാടകത്തിലെയും കേരളത്തിലെയും റിസര്‍വേഷന്‍ കൗണ്ടറുകളില്‍ ടിക്കറ്റ് ബുക്ക് ചെയ്യാം.  www.skrtc.in. എന്ന വെബ്സൈറ്റില്‍ ബസുകളുടെ യാത്രാ സമയവും മറ്റ് വിവരങ്ങളും ലഭിക്കും.

Follow Us:
Download App:
  • android
  • ios