രാജമാണിക്യം അടക്കം മറുനാട്ടിലെ ഐഎഎസുകാര് പൊട്ടന്മാരെന്ന് മന്ത്രി എം.എം. മണി
ഇടുക്കി: രാജമാണിക്യം അടക്കമുള്ള സംസ്ഥാനത്തിന് പുറത്തുനിന്നുള്ള ഐഎഎസുകാരെ പരിഹസിച്ച് മന്ത്രി എം.എം. മണി. മറുനാട്ടിലുള്ള ഐഎഎസുകാര് ശുദ്ധപൊട്ടന്മാരാണെന്നായിരുന്നു മന്ത്രിയുടെ പരിഹാസം. സിപിഎം ഏലപ്പാറ ഏരിയാ സമ്മേളനത്തോടനുബന്ധിച്ച പൊതുസമ്മേളനം ഉദ്ഘാടനം ചെയ്യുകയായിരുന്നു മണി.
ആകാശത്തുകൂടി പറന്നു നടന്നാണ് നിവേദിത പി ഹരന് റിപ്പോര്ട്ട് തയ്യാറാക്കിയത്. രാജമാണിക്യം റിപ്പോര്ട്ട് മറ്റൊരു പതിപ്പാണെന്നും മന്ത്രി ആരോപിച്ചുി. കേരളത്തെക്കുറിച്ച് മനസിലാക്കാതെയാണ് ഇവരെല്ലാം റിപ്പോര്ട്ടുകള് തയ്യാറാക്കുന്നത്. ഇതിന്റെ പരിണിതഫലമാണ് കേരളത്തിലെ കര്ഷകര് അനുഭവിക്കുന്നതെന്നും മന്ത്രി കുറ്റപ്പെടുത്തി.
ഹിന്ദുത്വ അജണ്ടയെ എതിര്ക്കുന്നത് സി.പി.എം. മാത്രമാണ്. സി.പി.എമ്മിനെ മാത്രമാണ് ബി.ജെ.പി. ആക്രമിക്കുന്നതും. തല്ലുകൊണ്ടു മടുക്കുമ്പോള് തിരിച്ചു തല്ലിയാല് ഇടതുപക്ഷത്ത് നില്ക്കുന്നവരും കൂടെ നിന്നു കുറ്റപ്പെടുത്തുകയാണെന്നും മന്ത്രി പറഞ്ഞു.