ജോലിയില്ലാത്തതിൽ മനംനൊന്ത് മുംബൈയിൽ യുവദമ്പതികൾ ആത്മഹത്യചെയ്തു. ധനരാജ് എന്ന ഇരുപത്തിനാലുകാരനും 19 വയസുളള കാജലുമാണ് മലാഡിലെ വീട്ടിൽ ഇന്നലെ രാത്രി 8.30ഓടെ സീലിങ് ഫാനിൽ തൂങ്ങിമരിച്ചത്. ഈയടുത്താണ് ഇവര്‍ വിവാഹിതരായത്. തുടര്‍ന്ന് ധനരാജിന്റെ ജോലി നഷ്ടപ്പെട്ടു. കല്യാണം കഴിച്ച ശേഷം ജോലി ഇല്ലാതായതോടെ ഇവർ കടുത്ത മാനസിക സംഘർഷത്തിലായിരുന്നു. ആത്മഹത്യാ കുറിപ്പൊന്നും സ്ഥലത്ത് നിന്ന് കണ്ടെത്തിയിട്ടില്ല. സംഭവത്തില്‍ പൊലീസ് വിശദമായ അന്വേഷണം ആരംഭിച്ചു.