പ്രതിരോധ മന്ത്രിയായി നിര്മല സീതാരാമന് ചുമതലയേറ്റു. രാവിലെ പ്രതിരോധ മന്ത്രാലയം പ്രവര്ത്തിക്കുന്ന സൗത്ത് ബ്ളോക്കില് പ്രത്യേക പൂജകള്ക്ക് ശേഷമായിരുന്നു ചുമതലയേല്ക്കല്. ഇന്ദിരാഗാന്ധിക്ക് ശേഷം ആദ്യമായാണ് ഒരു വനിത ഇന്ത്യയുടെ പ്രതിരോധ മന്ത്രാലയത്തിന്റെ ചുമതല വഹിക്കുന്നത്. മനോഹര് പരീക്കര് ഗോവ മുഖ്യമന്ത്രിയായ പോയ സാഹചര്യത്തില് ധനമന്ത്രി അരുണ് ജയ്റ്റ്ലിക്ക് പ്രതിരോധ മന്ത്രാലയത്തിന്റെ അധിക ചുമതല നല്കിയിരിക്കുകയായിരുന്നു. ഏറ്റവും ശ്രമകരമായ ദൗത്യമാണ് ഏറ്റെടുക്കുന്നതെന്ന് ചുമതലയേറ്റ ശേഷം നിര്മല സീതാരാമന് പറഞ്ഞു. അരുണ് ജയ്റ്റ്ലി തുടങ്ങിവെച്ച പദ്ധതികള് പൂര്ത്തിയാക്കാനാകും ആദ്യശ്രമമെന്നും അവര് പറഞ്ഞു. ചുമതലയേറ്റ ശേഷം സേനാമേധാവികളുമായി മന്ത്രി കൂടിക്കാഴ്ച നടത്തി.
പ്രതിരോധ മന്ത്രിയായി നിര്മല സീതാരാമന് ചുമതലയേറ്റു
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam
Latest Videos
