തിരുവനന്തപുരം: ഒാഖി ദുരന്തത്തില് കാണാതായവര്ക്കായുള്ള തെരച്ചില് തുടരാന് സര്ക്കാര് തീരുമാനം. തീരദേശമുള്ള എല്ലാം സംസ്ഥാനങ്ങളിലേയും ചീഫ് സെക്രട്ടറിമാര്ക്ക് അറിയിപ്പ് നല്കും. മന്ത്രിസഭായോഗത്തിലായിരുന്നു തീരുമാനം.
ചുഴലിക്കാറ്റിനെ തുടര്ന്ന് കാണാതായ 208 പേരെ കൂടി കണ്ടെത്താനുണ്ടെന്ന് സര്ക്കാറിന്റെ പുതിയ കണക്ക്. 166 മലയാളികളെയും 42 ഇതരസംസ്ഥാനക്കാരെയുമാണ് കണ്ടെത്താനുള്ളതെന്ന് സര്ക്കാര് റിപ്പോര്ട്ട്. 132 പേരെ കാണാതായതിന് എഫ്ഐആര് എടുത്തിട്ടുണ്ട്. 34 പേരുടെ എഫ്ഐആര് രജിസ്റ്റര് ചെയ്തിട്ടില്ല. മല്സ്യത്തൊഴിലാളികളുടെ കണക്കുംകൂടി പരിഗണിച്ചാണ് പുതിയ പട്ടിക തയാറാക്കിയിരിക്കുന്നത്. ഒാഖി ദുരന്തത്തില് എഴുപതിലേറെപ്പേര് മരിച്ചതായി ഇതുവരെയുളള കണക്കുകള് സ്ഥിതികരീക്കുന്നു. കണ്ടെത്തിയ മൃതദേഹങ്ങളില് 32 എണ്ണം ഇനിയും തിരിച്ചറിയാനുണ്ട്.
