നാറാത്ത് ആയുധ പരിശീലനക്കേസിൽ ഒളിവിലായിരുന്ന പ്രതി അറസ്റ്റിൽ. നാറാത്ത് സ്വദേശിയായ 23-ാം പ്രതി അസ്ഹറുദ്ദീനെയാണ് ഇന്ന് കണ്ണൂരില് നിന്ന് എന്.ഐ.എ പിടികൂടിയത്. ഇയാളെ ഇന്ന് കൊച്ചിയിലെ എന്.ഐ.എ കോടതിയിൽ ഹാജരാക്കും.
2013 ഏപ്രില് 23നാണ് കേസിനാസ്പദമായ സംഭവം. കണ്ണൂര് നാറാത്ത് 'തണല്' ചാരിറ്റബിള് ട്രസ്റ്റ് കെട്ടിടത്തില് പോപ്പുലര് ഫ്രണ്ട്, എസ്.ഡി.പി.ഐ പ്രവര്ത്തകര് ആയുധ പരിശീലനം നടത്തുന്നതിനിടെ മയ്യില് പൊലീസ് സ്ഥലം റെയ്ഡ് ചെയ്യുകയായിരുന്നു. സംഭവത്തിനു ശേഷം അസറുദ്ദീൻ ഒളിവിൽ പോകുകയായിരുന്നു. 21 പ്രതികളെ കേസിൽ കോടതി ശിക്ഷിച്ചിരുന്നു.
