വാഹനാപകടം: പെരുമ്പാവൂരില്‍ അഞ്ച് പേർ മരിച്ചു
- കാറും ബസും കൂട്ടിയിടിച്ച് പെരുമ്പാവൂരില്‍ അഞ്ച് പേർ മരിച്ചു
- ഇടുക്കി ഏലപ്പാറ സ്വദേശികളാണ് മരിച്ചത്
പെരുമ്പാവൂര്‍: ചേരാമറ്റം കാരിക്കോട്ട് കാറും ബസും കൂട്ടിയിടിച്ച് അഞ്ച് പേർ മരിച്ചു. രണ്ട് പേർക്ക് പരിക്കേറ്റു. ഇടുക്കി ഏലപ്പാറ സ്വദേശികളായ വിജയൻ, ജിനീഷ്(22), കിരണ്‍(21), ഉണ്ണി(20), ജെറിൻ(22) എന്നിവരാണ് മരിച്ചത്. വ്യാഴാഴ്ച പുലർച്ചെ രണ്ടിനായിരുന്നു അപകടം. അപകടത്തിൽ പരിക്കേറ്റ ജിബിൻ, സുജിത് എന്നിവരെ സമീപത്തെ ആശുപത്രിയിൽ പ്രവേശിപ്പിച്ചു.
ജിബിന്‍റെ നില ഗുരുതരമാണെന്ന് ആശുപത്രി അധികൃതർ അറിയിച്ചു. ജിബിനെ വിദേശത്തേക്ക് യാത്രയാക്കുന്നതിനായി പോയ സംഘമാണ് അപകടത്തിൽപെട്ടത്. ആന്ധ്രായിൽനിന്നും തീർഥാടകരുമായി വന്ന ബസും നെടുമ്പാശേരി വിമാനത്താവളത്തിലേക്ക് പോയ കാറുമാണ് അപകടത്തിൽപെട്ടത്.
Last Updated Oct 2, 2018, 4:24 AM IST
