പെട്രോള്‍-ഡീസല്‍ വില കുറച്ചു
ദില്ലി: രാജ്യത്ത് പെട്രോൾ ഡീസൽ വില കുറഞ്ഞു. പെട്രോൾ ലിറ്ററിന് 1.46 രൂപയും ഡീസലിന് 1.53 രൂപയുമാണ് കുറഞ്ഞത്. പുതുക്കിയ വില ഇന്ന് അർധ രാത്രി മുതൽ പ്രാബല്യത്തിൽവരും. തുടര്‍ച്ചയായി മൂന്നുതവണ വില വര്‍ധിപ്പിച്ചശേഷമാണ് പെട്രോള്‍-ഡീസല്‍ വിലയില്‍ കുറവ് വരുന്നത്.
ഒക്ടോബര്‍ നാലിന് ഡീലര്‍ കമ്മീഷന്‍ വര്‍ധിപ്പിക്കാനെന്ന പേരില്‍ പെട്രോള്‍ വില 14 പൈസയും ഡീസല്‍ വില 10 പൈസയും വര്‍ധിപ്പിച്ചിരുന്നു. ഒക്ടോബര്‍ 15ന് പെട്രോളിയം കമ്പനികളുടെ അവലോകനത്തിന് ശേഷം പെട്രോള്‍-ഡീസല്‍ വില യഥാക്രമം 1.34 രൂപയും 2.37 രൂപയും വര്‍ധിപ്പിച്ചിരുന്നു.
രാജ്യാന്തര വിപണിയിലെ വില വര്‍ധനവാണ് അന്ന് വിലര്‍ധനയ്ക്ക് കാരണമായത്. നവംബര്‍ അഞ്ചിന് പെട്രോൾ ലിറ്ററിന് 89 പൈസയും ഡീസലിന് 86 പൈസയുമാണ് കൂട്ടിയത്.
Last Updated Oct 5, 2018, 12:35 AM IST
