Asianet News Malayalam

മീന്‍വില്‍പ്പനക്കാരനെ മര്‍ദ്ദിച്ച സംഭവം; മൂന്ന് പേര്‍ അറസ്റ്റില്‍

മീൻ വാങ്ങിയ പണത്തിന്‍റെ കുടിശിക തീർത്തു തരണമെന്ന് ജോർജ്ജിന്‍റെ മകളെ വഴിയിൽ കണ്ടപ്പോൾ പറഞ്ഞതിനാണ് മർദ്ദിച്ചതെന്നാണ് മക്കാർ പറഞ്ഞത്. 

police arrested three people for attacking man
Author
Idukki, First Published Dec 4, 2018, 2:49 PM IST
  • Facebook
  • Twitter
  • Whatsapp

ഇടുക്കി: മാങ്കുളത്ത് മീന്‍ വില്‍പ്പനക്കാരനെ മര്‍ദ്ദിച്ച അഞ്ചംഗ സംഘത്തില്‍ മൂന്നുപേര്‍ അറസ്റ്റില്‍. പുതുക്കയിൽ ജോർജ്ജ്, മരുമകൻ അരുൺ, സുഹൃത്ത് എബി എന്നിവരാണ് അറസ്റ്റിലായത് . മര്‍ദ്ദനമേറ്റ അടിമാലി പത്താംമൈല്‍ സ്വദേശി മക്കാറിന്‍റെ മൊഴിയുടെ അടിസ്ഥാനത്തിൽ അഞ്ചുപേർക്കെതിരെയാണ് പോലീസ് കേസെടുത്തിട്ടുളളത്. ഇതില്‍ മൂന്ന് പേരാണ് അറസ്റ്റിലായത്.
 
മീൻ വാങ്ങിയ പണത്തിന്‍റെ കുടിശ്ശിക തീർത്തു തരണമെന്ന് ജോർജ്ജിന്‍റെ മകളെ വഴിയിൽ കണ്ടപ്പോൾ പറഞ്ഞതിനാണ് മർദ്ദിച്ചതെന്നാണ് മക്കാർ പറഞ്ഞത്. കഴിഞ്ഞ വ്യാഴാഴ്ചയുണ്ടായ മർദ്ദനത്തിനെതിരെ പോലീസിൽ പരാതിപ്പെടാത്തതിന് കാരണം മകളോട് മോശമായ് പെരുമാറിയതായ് കേസു കൊടുക്കുമെന്ന് ജോർജ്ജ് ഭീഷണിപ്പെടുത്തിയിരുന്നതിനാലാണെന്നും മക്കാർ പറഞ്ഞു. മർദ്ദനത്തിന്‍റെ ദൃശ്യങ്ങൾ സാമൂഹ്യ മാധ്യമങ്ങളിൽ പ്രചരിച്ചതോടെയാണ് പോലീസിന്‍റെ ഇടപെടലുണ്ടായത്. 

Follow Us:
Download App:
  • android
  • ios