പോപ്പുലര് ഫ്രണ്ട് ഓഫ് ഇന്ത്യയെ തീവ്രവാദ സംഘടനയായി പ്രഖ്യാപിച്ചേക്കും
ദില്ലി: ദേശസുരക്ഷയ്ക്ക് ഭീഷണി ഉയര്ത്തുന്നെന്ന കാരണംപറഞ്ഞ് പോപ്പുലര് ഫ്രണ്ട് ഓഫ് ഇന്ത്യക്കും അനുബന്ധ സംഘടനകള്ക്കും നിരോധനമേര്പ്പെടുത്താന് കേന്ദ്രസര്ക്കാര് ഒരുങ്ങുന്നു. നിയമവിരുദ്ധപ്രവര്ത്തനം തടയാനുള്ള നിയമത്തിന്റെ അടിസ്ഥാനത്തില് ഈ സംഘടനയെ നിയമവിരുദ്ധ സംഘടനകളുടെ പട്ടികയില്പ്പെടുത്തണമോ തീവ്രവാദ സംഘടനയായി പ്രഖ്യാപിക്കണമോ എന്ന കാര്യത്തില് ആഭ്യന്തര മന്ത്രാലയത്തില് ആലോചന നടക്കുകയാണ്.
ആഭ്യന്തരമന്ത്രാലയത്തിലെ ഉന്നത ഉദ്യോഗസ്ഥരും ദേശീയ അന്വേഷണ ഏജന്സി (എന്.ഐ.എ.), കേന്ദ്ര ഇന്റലിജന്സ് ബ്യൂറോ എന്നിവയിലെ ഉന്നതരും കഴിഞ്ഞയാഴ്ച യോഗം ചേര്ന്ന് നിരോധനവിജ്ഞാപനം ഇറക്കുന്ന കാര്യങ്ങള് ചര്ച്ച ചെയ്തു. നടപടി കോടതിയില് ചോദ്യം ചെയ്യപ്പെട്ടേക്കാമെന്നതിനാല് പഴുതുകളില്ലാതെ വിജ്ഞാപനം തയ്യാറാക്കാനാണ് നിര്ദേശം.