Asianet News MalayalamAsianet News Malayalam

രേഷ്മയുടെ ശ്രമം പ്രശസ്തിക്ക് വേണ്ടിയെന്ന് ശ്രീധരൻപിള്ള; വിശ്വാസികളുടെ സംരക്ഷണം ഉറപ്പാക്കുമെന്ന് ജയരാജൻ

ശബരിമലയിൽ പോകാനുള്ള രേഷ്മാ നിശാന്തിന്‍റെ ശ്രമം പ്രശസ്തിക്ക് വേണ്ടിയെന്ന് ബിജെപി സംസ്ഥാന അധ്യക്ഷൻ പി എസ് ശ്രീധരൻ പിള്ള. ശബരിമലയിലെ ആചാരങ്ങളെ തകർക്കാനുള്ള നിരീശ്വരവാദികളുടെ ശ്രമമാണിതെന്നും ശ്രീധരന്‍പിള്ള ആരോപിച്ചു. കുപ്രചാരണങ്ങളിലൂടെ ഇപ്പോൾ നടക്കുന്ന പ്രതിഷേധങ്ങളെ വഴിതിരിച്ചുവിടാനാണ് ചിലർ ശ്രമിക്കുന്നതെന്നും ശ്രീധരൻ പിള്ള

reshma attempting for fame by entering sabarimala says sreedharan pilla will ensure safety says ep jayarajan
Author
Thiruvananthapuram, First Published Oct 15, 2018, 11:59 AM IST

തിരുവനന്തപുരം:  ശബരിമലയിൽ പോകാനുള്ള രേഷ്മാ നിശാന്തിന്‍റെ ശ്രമം പ്രശസ്തിക്ക് വേണ്ടിയെന്ന് ബിജെപി സംസ്ഥാന അധ്യക്ഷൻ പി എസ് ശ്രീധരൻ പിള്ള. ശബരിമലയിലെ ആചാരങ്ങളെ തകർക്കാനുള്ള നിരീശ്വരവാദികളുടെ ശ്രമമാണിതെന്നും ശ്രീധരന്‍പിള്ള ആരോപിച്ചു. കുപ്രചാരണങ്ങളിലൂടെ ഇപ്പോൾ നടക്കുന്ന പ്രതിഷേധങ്ങളെ വഴിതിരിച്ചുവിടാനാണ് ചിലർ ശ്രമിക്കുന്നതെന്നും ശ്രീധരൻ പിള്ള പറഞ്ഞു.

അതേസമയം രേഷ്മയടക്കമുള്ള വിശ്വാസികളുടെ സംരക്ഷണം സർക്കാർ ഉറപ്പാക്കുമെന്ന് മന്ത്രി ഇ പി ജയരാജൻ വ്യക്തമാക്കി. ശബരിമലയിൽ ആരു വന്നാലും സംരക്ഷിക്കും. വിധി നടപ്പാക്കേണ്ടത് സര്‍ക്കാറിന്റെ ഉത്തരവാദിത്തമാണെന്നും ഇപി ജയരാജൻ പറഞ്ഞു. 

ശബരിമലയിലേക്ക് പോകാനുള്ള തീരുമാനത്തിൽ മാറ്റമില്ലെന്ന് രേഷ്മാ നിശാന്ത് വ്യക്തമാക്കി. ജനങ്ങളിൽ നിന്ന് വലിയ പിന്തുണയാണ് കിട്ടുന്നത്. കൂടുതൽ സ്ത്രീകൾ മലകയറാനെത്തുമെന്നും രേഷ്മാ നിശാന്ത് പറഞ്ഞു. ഭീഷണികളെ ഭയമില്ലെന്നും രേഷ്മ നിശാന്ത് പറഞ്ഞു. 

Follow Us:
Download App:
  • android
  • ios