തൃശ്ശൂര്‍: പുതുക്കാട് വരാക്കര പുളിഞ്ചോടില്‍ ബൈക്കിലെത്തിയ രണ്ടംഗ സംഘം വ്യാപാരിയെ ആക്രമിച്ച് പണമടങ്ങിയ ബാഗ് തട്ടിയെടുത്ത് കടന്നുകളഞ്ഞു. ഇന്ന് വൈകിട്ടാണ് സംഭവം. നാലരലക്ഷം രൂപയും നാല് പവന്‍ സ്വര്‍ണവും നഷ്ടപ്പെട്ടതായി പ്രാഥമിക വിവരം. മുപ്ലിയത്ത് പണമിടപാട് സ്ഥാപനം നടത്തുന്ന പുളിഞ്ചോട് സ്വദേശി ഇളയത്ത് കൃഷ്ണകുമാറിനെയാണ്(40) ബൈക്കിലെത്തിയവര്‍ ആക്രമിച്ച് പണവും സ്വര്‍ണവും കവര്‍ന്നത്. കൃഷ്ണകുമാറിന്റെ മുഖത്തും കൈക്കും പരുക്കേറ്റിട്ടുണ്ട്. വരന്തരപ്പിള്ളി പൊലീസ് കേസെടുത്തു.