സാമ്പത്തിക തിരിമറിക്കേസ്; സെക്രട്ടേറിയറ്റ് സ്റ്റാഫ് ഹൗസിംഗ് സഹകരണ സംഘം സെക്രട്ടറി പിടിയില്
തിരുവനന്തപുരം: സാമ്പത്തിക തിരിമറിക്കേസിൽ ഒളിവിലായിരുന്ന സെക്രട്ടേറിയറ്റ് സ്റ്റാഫ് ഹൗസിംഗ് സഹകരണ സംഘം സെക്രട്ടറി പൊലീസ് പിടിയിൽ. കോണ്ഗ്രസ് അനുകൂല സംഘടനാ നേതാവും ഹൗസിംഗ് സൊസൈറ്റി സെക്രട്ടറിയുമായ എസ്.ആര്. രവീന്ദ്രനാണ് പിടിയിലായത്. മലയിൻകീഴ് നിന്നാണ് കന്റോണ്മെന്റ് പൊലീസ് ഇയാളെ പിടികൂടിയതെന്നാണ് വിവരം.
സൊസൈറ്റിയിൽ നിന്ന് വൻ സാന്പത്തിക തിരിമറി നടത്തിയെന്നായിരുന്നു പരാതി. സഹകരണ ജോയിന്റ് രജിസ്ട്രാറുടെ നേതൃത്വത്തിലുള്ള സംഘം പ്രാഥമിക പരിശോധനയും നടത്തിയിരുന്നു. ഭരണ സമിതി പിരിച്ച് വിടാൻ ശുപാര്ശയുണ്ടെങ്കിലും ഹൈക്കോടതിയിൽ നിന്ന് സ്റ്റേ വാങ്ങിയാണ് അധികാരത്തിൽ തുടരുന്നത്. പൊതു ഭരണ വകുപ്പിലെ സെഷൻ ഓഫീസറാണ് രവീന്ദ്രൻ.