സ്വാശ്രയ മെഡിക്കൽ കോളജുകളിലെ എൻആർഐ സീറ്റൊഴികെയുള്ളവയിൽ ഫീസ് നിർണയിച്ച നടപടി ചോദ്യം ചെയ്ത ഹർജികളിൽ ഹൈക്കോടതി സർക്കാരിന്റെ വിശദീകരണം തേടി. ജസ്റ്റിസ് രാജേന്ദ്ര ബാബു കമ്മിറ്റിയെ നിയമിച്ചുകൊണ്ടുള്ള ഉത്തരവ്ഗസറ്റിൽ വിജ്ഞാപനം ചെയ്തിട്ടില്ലെന്ന ആരോപണം സംബന്ധിച്ചാണ് സർക്കാരിനോട് വിശദീകരണം തേടിയത്. ഫീസ് നിര്‍ണയിച്ച ജസ്റ്റിസ് രാജേന്ദ്രബാബു കമ്മിറ്റിയുടെ രൂപീകരണം നിയമവിധേയമല്ലെന്ന മാനേജ്മെന്‍റുകൾ ആക്ഷേപം ഉന്നയിച്ചിരുന്നു.കമ്മിറ്റി രൂപവത്കരണത്തിന്കാരണമായ ഓർഡിനൻസ് വിജ്ഞാപനം ചെയ്യാത്തതാണെന്ന ആരോപണത്തിലും സർക്കാരിനോട് മറുപടി നൽകാൻ ആവശ്യപ്പെട്ടിട്ടുണ്ട്. കോഴിക്കോട്കെ എം സിടി, തിരുവല്ല പുഷ്പഗിരി മെഡിക്കൽ കോളജുകളാണ് ഹർജിയുമായി കോടതിയെ സമീപിച്ചിട്ടുള്ളത്. പുതിയ ഓർഡിനൻസ് ഇന്ന് തന്നെ ഇറക്കും എന്ന് സർക്കാർ ഹൈക്കോടതിയെ അറിയിച്ചിട്ടുണ്ട്.
