തിരുവനന്തപുരം: സമാധാനചര്‍ച്ച റിപ്പോര്‍ട്ട് ചെയ്യാനെത്തിയ മാധ്യമപ്രവര്‍ത്തകരെ ആട്ടിയോടിച്ച മുഖ്യമന്ത്രി പിണറായി വിജയന്‍റെ നടപടിക്കെതിരെ കോണ്‍ഗ്രസ് നേതാവ് വി എം സുധീരന്‍. കടക്ക് പുറത്ത് എന്ന് മാധ്യമ പ്രവർത്തകരോട് ആക്രോശിച്ച മുഖ്യമന്ത്രി പിണറായി വിജയൻ തന്റെ ഫാസിസ്റ്റ് മുഖമാണ് പ്രകടമാക്കിയതെന്ന് വി.എം സുധീരന്‍ . ഇന്നേവരെ കേരളത്തിൽ ഒരു ജനാധിപത്യ ഭരണാധികാരിയുടെ ഭാഗത്തു നിന്നും ഇത്തരത്തിലുള്ള 'ഗുണ്ടായിസം' ഉണ്ടായിട്ടില്ലെന്നും വി എം സുധീരന്‍ പറഞ്ഞു.
