കൊച്ചി: ഓണ്ലൈനിലൂടെ പെണ്വാണിഭം നടത്തുന്ന സംഘം പിടിയില്. ഡല്ഹി സ്വദേശിനികളായ സ്ത്രീകളും ട്രാന്സ്ജെന്ഡേഴ്സും ഉള്പ്പടെ 15 പേരെ സിറ്റിപോലീസ് അറസ്റ്റുചെയ്തു. ഇവരുടെ പക്കല്നിന്നും എയര്പിസ്റ്റളും ലഹരിപദാര്ത്ഥങ്ങളും കണ്ടെടുത്തു.
കൊച്ചിയിലെ ലോഡ്ജുകളും ഹോട്ടലുകളും കേന്ദ്രീകരിച്ച് പ്രവര്ത്തിക്കുന്ന പെണ്വാണിഭ സംഘമാണ് പിടിയിലായത്. പദ്മ ജംഗ്ഷന് സമീപം ചിറ്റൂര് റോഡിലുളള ഐശ്വര്യാ ലോഡ്ജില് നടത്തിയ തിരച്ചിലില് ഡല്ഹി സ്വദേശിനികളായ 4 സ്ത്രീകളും, 4 ട്രാന്സ് ജെന്ഡേഴ്സും ഇടനിലക്കാരും ഉള്പ്പെടെയുളളവരാണ് പിടിയിലായത്. ലോഡ്ജിന്റെ റിസപ്ഷനില് നിന്ന് എയര്പിസ്റ്റളും മദ്യക്കുപ്പികളും ലഹരി വസ്തുക്കളും പോലീസ് കണ്ടെടുത്തു. ഓണ്ലൈന്വഴിയായിരുന്നു സംഘത്തിന്റെ ഇടപാടുകളെന്ന് പോലീസ് പറഞ്ഞു.
പെണ്വാണിഭ ഇടപാടുകാരനായ മട്ടാഞ്ചേരി സ്വദേശി ജോഷിയേയും ഇയാളെ ഫോണില് ബന്ധപ്പെട്ടവരെയും കേന്ദ്രീകരിച്ചുള്ള അന്വേഷണം പുരോഗമിക്കുകയാണ്, കൂടുതല് പേര് ഉടന് പിടിയിലാകുമെന്നാണ് സൂചന.
