വനിതാമതിലിന് സർക്കാർ പണം ചെലവിടില്ലെന്ന് മന്ത്രി തോമസ് ഐസക്. ബജറ്റ് തുക ചെലവിടില്ല എന്നും അദ്ദേഹം വ്യക്തമാക്കി .
തിരുവനന്തപുരം: വനിതാമതിലിന് സർക്കാർ പണം ചെലവിടില്ലെന്ന് മന്ത്രി തോമസ് ഐസക്. ബജറ്റ് തുക ചെലവിടില്ല എന്നും അദ്ദേഹം വ്യക്തമാക്കി . സർക്കാർ സത്യവാങ്മൂലം തെറ്റിദ്ധരിക്കപ്പെട്ടു. വനിത സംഘടനകൾ സ്വന്തം നിലയിൽ പണം സമാഹരിക്കുമെന്നും അതിന് അവർ പ്രാപ്തർ ആണെന്നും തോമസ് ഐസക് പ്രതികരിച്ചു.
വനിതാ മതിലിനുള്ള പണം നാട്ടില് നിന്ന് ശേഖരിക്കാന് പറ്റും എന്നും അദ്ദേഹം ഏഷ്യാനെറ്റ് ന്യൂസിനോട് പറഞ്ഞു. തന്റെ ബജറ്റ് പ്രസംഗത്തെ സത്യവാങ്മൂലത്തിൽ ഉദ്ദരിക്കുക മാത്രമാണ് ചെയ്തത്. സത്യവാങ്മൂലത്തിൽ പിഴവില്ല വ്യാഖ്യാനത്തിൽ മാത്രമാണ് പിഴവെന്ന് ഐസക് പറഞ്ഞു.
Scroll to load tweet…
വനിതാമതിലിന് ഖജനാവില് നിന്ന് പണം ചെലവാക്കില്ലെന്ന് മുഖ്യമന്ത്രി പിണറായി വിജയനും പ്രതികരിച്ചു. നീക്കി വെച്ച 50 കോടി സര്ക്കാര് പദ്ധതികള്ക്കെന്നും അതില് നിന്നും ഒരു രൂപ പോലും എടുക്കില്ല എന്നും മുഖ്യമന്ത്രി പറഞ്ഞു.
