രജനികാന്ത് ഇന്ന് തൂത്തുക്കുടി സന്ദർശിക്കും.
ചെന്നൈ: തൂത്തുക്കുടി വെടി വെയ്പ്പിൽ സമർപ്പിച്ച വിവിധ ഹർജികൾ ഇന്ന് മദ്രാസ് ഹൈക്കോടതി പരിഗണിക്കും. വെടിവെയ്പ്പിൽ കൊല്ലപ്പെട്ടവരുടെ മൃതദേഹങ്ങൾ സൂക്ഷിച്ച് വക്കുന്നത് സംബന്ധിച്ചുള്ള ഹർജിയിൽ ഹൈകോടതി തീരുമാനം ഇന്ന് ഉണ്ടായേക്കും. നിലവിൽ തൂത്തുക്കുടി പോലീസ് വെടിവെപ്പില് കൊല്ലപ്പെട്ട 13 പേരുടെ മൃതദേഹങ്ങളൊന്നും ബന്ധുക്കൾ ഏറ്റ് വാങ്ങിയിട്ടില്ല.
ഹൈക്കോടതി നിർദേശത്തിന് അനുസരിച്ച് തീരുമാനമെടുക്കാമെന്ന നിലപാടിലാണ് ബന്ധുക്കൾ. വെടിവെയ്പ്പ് സിബിഐ അന്വേഷിക്കണമെന്ന് ആവശ്യപ്പെട്ടുള്ള ഹർജിയും കോടതി ഇന്ന് പരിഗണിക്കുന്നുണ്ട്. രജനികാന്ത് ഇന്ന് തൂത്തുക്കുടി സന്ദർശിക്കും. രാവിലെ 10 മണിയോടെ ആകും സന്ദർശനം. ആശുപത്രിയിലെത്തി പരിക്കേറ്റവരെയും രജനികാന്ത് കാണും.
