ചിത്രകൂട്: ഉത്തര്പ്രദേശിലെ ചിത്രകൂട് ജില്ലയില് ട്രെയിന്പാളം തെറ്റി. അപകടത്തിൽ രണ്ടു പേര്മരിച്ചു. എട്ട് പേര്ക്ക് പരിക്കേറ്റു. വാസ്ക്കോ ഡ ഗാമ-പട്ന എക്സ്പ്രസിന്റെ 13 കോച്ചുകളാണ് മണിക്പുർ ജംഗ്ഷനു സമീപം പാളം തെറ്റിയത്. പുലര്ച്ചെ നാലരയോടെയായിരുന്നു അപകടം. പാളത്തിലുണ്ടായ തകരാറാണ് അപകടത്തിന് കാരണമെന്നാണ് പ്രാഥമിക നിഗമനം.
ഗോവയിലെ വാസ്ക്കോ ഡ ഗാമയില് നിന്നും ബീഹാറിലെ പട്നയിലേക്ക് പോവുകയായിരുന്നു ട്രെയിന്. പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. ദുരിതാശ്വാസ പ്രവര്ത്തനങ്ങള് പുരോഗമിക്കുകയാണെന്നും നോര്ത്തേണ് സെന്ട്രല് റെയില്വേ പ്രൊവിഷന് അമിത് മാളവ്യ പറഞ്ഞു
