Asianet News Malayalam

പത്തരമാറ്റ് വിജയം കൈവരിച്ച് ട്രാൻസ്ജെൻഡേഴ്സ്

ട്രാൻസ്ജെൻഡറുകളുടെ തുടർ വിദ്യാഭ്യാസത്തിനായി സർക്കാർ നടപ്പാക്കുന്ന സമന്വയ പദ്ധതിയുടെ ഭാഗമായാണ് ഇവർ പഠനം തുടങ്ങിയത്.

transgenders passes saksharatha mission tenth level xam
Author
Thiruvananthapuram, First Published Jan 24, 2019, 11:22 PM IST
  • Facebook
  • Twitter
  • Whatsapp

തിരുവനന്തപുരം: ഒരിക്കൽ പാതി വഴിയിൽ ഉപേക്ഷിക്കേണ്ടി വന്ന പഠനം വീണ്ടും ആരംഭിക്കുമ്പോൾ അസ്നയുടെ മനസ്സിൽ വിജയത്തിൽ കുറ‍ഞ്ഞൊരു സ്വപ്നവുമുണ്ടായിരുന്നില്ല.  കഠിന പ്രയത്നത്തിലൂടെ, പ്രതികൂല സാഹചര്യങ്ങളോട് പട പൊരുതിയാണ് അസ്ന പഠിച്ചത്. ഒടുവിൽ അസ്നയെപ്പോലെ നിരവധി   ട്രാൻസ്ജെൻഡറുകൾക്ക് പ്രചോദനമാകുന്ന പത്തരമാറ്റ് വിജയവുമായാണ് അസ്ന പത്താം ക്ലാസ് തുല്യത പരീക്ഷ വിജയിച്ചത്. അസ്നയെക്കൂടാതെ ആറ് പേരാണ് തിരുവനന്തപുരത്ത് പരീക്ഷ എഴുതിയത്. എല്ലാവരും വിജയിച്ചു.
സംസ്ഥാനത്ത് പരീക്ഷ എഴുതിയ 25 ട്രാൻജെൻഡർമാരിൽ 22 പേരും വിജയിച്ചു. ട്രാൻസ്ജെൻഡറുകളുടെ തുടർ വിദ്യാഭ്യാസത്തിനായി സർക്കാർ നടപ്പാക്കുന്ന സമന്വയ പദ്ധതിയുടെ ഭാഗമായാണ് ഇവർ പഠനം തുടങ്ങിയത്.സാക്ഷരതാ മിഷൻ കോ ഓർഡിനേറ്റർ ഷാമിലയുടെ പ്രോത്സാഹനവും ഇവർക്ക് പ്രചോദമായി.

Follow Us:
Download App:
  • android
  • ios