എര്‍ദോഗന്‍ ക്ഷണിച്ചു; ട്രംപ് തുര്‍ക്കി സന്ദര്‍ശിക്കും
പ്രസിഡന്‍റ് എർദോഗന്‍റെ ക്ഷണം ട്രംപ് സ്വീകരിച്ചെന്നും അടുത്തവർഷം എത്തുമെന്ന് അറിയിച്ചതായും തുർക്കി ഔദ്യോഗികമായി അറിയിച്ചു. പ്രസിഡന്‍റിന്‍റെ വക്താവ് ഇബ്രാഹിം കാലിനാണ് ഇക്കാര്യം അറിയിച്ചത്
അങ്കാറ: അമേരിക്കന്‍ പ്രസിഡന്‍റ് ഡൊണാൾഡ് ട്രംപ് തുർക്കി സന്ദർശിക്കാന്‍ തീരുമാനിച്ചു. പ്രസിഡന്‍റ് എർദോഗന്‍റെ ക്ഷണം ട്രംപ് സ്വീകരിച്ചെന്നും അടുത്തവർഷം എത്തുമെന്ന് അറിയിച്ചതായും തുർക്കി ഔദ്യോഗികമായി അറിയിച്ചു. പ്രസിഡന്‍റിന്‍റെ വക്താവ് ഇബ്രാഹിം കാലിനാണ് ഇക്കാര്യം അറിയിച്ചത്.
സന്ദര്‍ശന തിയതിയും മറ്റ് വിശദാംശങ്ങളും സംബന്ധിച്ചുള്ള ചര്‍ച്ചകള്‍ നടക്കുകയാണ്. അന്തിമ തിരൂമാനം വന്നയുടനെ ഇക്കാര്യം അറിയിക്കുമെന്നും കാലിന്‍ പറഞ്ഞു. സിറിയയിലെ ഐഎസ് ഐഎസിനെതിരായ സംയുക്ത നടപടികള്‍ ട്രംപിന്‍റെ സന്ദര്‍ശന വേളയില്‍ ചര്‍ച്ചയാകും. കഴിഞ്ഞ വര്‍ഷം മേയില്‍ എര്‍ദോഗാന് വൈറ്റ് ഹൈസില്‍ ട്രംപ് വിരുന്നൊരുക്കിയിരുന്നു.
