ശബരിമലയില് കലാപത്തിന് ശ്രമിച്ച ആര്എസ്എസ് ക്രിമിനലുകളെ അകത്തിടണം: വി ടി ബല്റാം
ശബരിമലയിലെ സ്ത്രീ പ്രവേശനം തടയാനുള്ള പ്ലാന് ബി പരാമര്ശത്തിന് പിന്നാലെ കലാപമുണ്ടാക്കാന് ശ്രമിച്ചതിന് രാഹുല് ഈശ്വറിനെ അറസ്റ്റ് ചെയ്തതിനെ പിന്തുണച്ച് വി ടി ബല്റാം എംഎല്എ
തൃത്താല : ശബരിമലയിലെ സ്ത്രീ പ്രവേശനം തടയാനുള്ള പ്ലാന് ബി പരാമര്ശത്തിന് പിന്നാലെ കലാപമുണ്ടാക്കാന് ശ്രമിച്ചതിന് രാഹുല് ഈശ്വറിനെ അറസ്റ്റ് ചെയ്തതിനെ പിന്തുണച്ച് വി ടി ബല്റാം എംഎല്എ. ആര്എസ്എസ് ക്രിമിനലുകളെ നിലക്ക് നിര്ത്താന് സര്ക്കാരിന് ഉത്തരവാദിത്തമുണ്ടെന്ന് വി ടി ബല്റാം പറയുന്നു.
പരിപാവനമായ സന്നിധാനത്ത് രക്തം വീഴ്ത്തിയും മൂത്രമൊഴിച്ചു അശുദ്ധി വരുത്തി കലാപമുണ്ടാക്കാനായിരുന്നു ആര്എസ്എസ് ക്രിമിനലുകളുടെ നീക്കം. ഇതുപോലുള്ള എല്ലാവരേയും പിടിച്ച് അകത്തിടണമെന്ന് തന്നെയാണ് കോണ്ഗ്രസിന്റെ ആവശ്യമെന്ന് ബല്റാം വിശദമാക്കുന്നു.
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആർഎസ്എസ് ക്രിമിനലുകളെ നിലക്കുനിർത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണെന്ന് വി ടി ബല്റാം എംഎല്എ. ആരുടേയെങ്കിലും രോമത്തിൽ തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാർത്ഥ കോൺഗ്രസുകാരുടെയും യഥാർത്ഥ അയ്യപ്പഭക്തരുടേയും ആവശ്യം. കോൺഗ്രസ് വിശ്വാസികൾക്കൊപ്പമാണ്, കലാപകാരികൾക്കൊപ്പമല്ലെന്നും വി ടി ബല്റാം ഫേസ്ബുക്ക് കുറിപ്പില് വിശദമാക്കുന്നു.
വി ടി ബല്റാം എംഎല്എയുടെ ഫേസ്ബുക്ക് കുറിപ്പിന്റെ പൂര്ണരൂപം
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആർഎസ്എസ് ക്രിമിനലുകളെ നിലക്കുനിർത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണ്.
ആരുടേയെങ്കിലും രോമത്തിൽ തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാർത്ഥ കോൺഗ്രസുകാരുടെയും യഥാർത്ഥ അയ്യപ്പഭക്തരുടേയും ആവശ്യം. കോൺഗ്രസ് വിശ്വാസികൾക്കൊപ്പമാണ്, കലാപകാരികൾക്കൊപ്പമല്ല.