തുമ്മൽ അഭിനയിച്ച് അമ്മ; നിർത്താതെ പൊട്ടിച്ചിരിച്ച് കുഞ്ഞുവാവ; വീഡിയോ പങ്കുവച്ച് അമിതാഭ് ബച്ചൻ
അമിതാഭ് ബച്ചൻ ഇൻസ്റ്റഗ്രാമിൽ പങ്കുവച്ചിരിക്കുന്ന ഒരു വീഡിയോയാണ് ഇപ്പോഴത്തെ ചർച്ചാ വിഷയം. തുമ്മൽ അഭിനയിക്കുന്ന അമ്മയുടെ മുന്നിലിരുന്ന് നിർത്താതെ ചിരിക്കുകയാണ് ഈ വാവ.
കുഞ്ഞുങ്ങളുടെ വീഡിയോകൾ വളരെ വേഗമാണ് സോഷ്യൽ മീഡിയയിൽ വൈറലാകാറുള്ളത്. കുഞ്ഞുങ്ങൾ കഥപറയുന്നതും പാട്ടു പാടുന്നതും ചിരിക്കുന്നതും കരയുന്നതും വരെ സോഷ്യൽ മീഡിയകളിൽ വൈറലാകാറുണ്ട്. രസകരവും കൗതുകം നിറഞ്ഞതുമായി ഇത്തരം വീഡിയോ പ്രശസ്തരുൾപ്പെടെയുള്ളവർ പങ്കുവെക്കാറുണ്ട്.
അമിതാഭ് ബച്ചൻ ഇൻസ്റ്റഗ്രാമിൽ പങ്കുവച്ചിരിക്കുന്ന ഒരു വീഡിയോയാണ് ഇപ്പോഴത്തെ ചർച്ചാ വിഷയം. തുമ്മൽ അഭിനയിക്കുന്ന അമ്മയുടെ മുന്നിലിരുന്ന് നിർത്താതെ ചിരിക്കുകയാണ് ഈ വാവ. കാഴ്ചക്കാർക്കും ചിരിവരും ഈ വീഡിയോ കണ്ടാൽ. കു‍ഞ്ഞിനെ ഭക്ഷണം കഴിപ്പിക്കാനുള്ള ശ്രമത്തിനിടയിലാണ് അമ്മ തുമ്മൽ അഭിനയിക്കുന്നത്. ഇന്നത്തെ സാഹചര്യങ്ങൾ ലഘൂകരിക്കാൻ , മാറ്റത്തിന് വേണ്ടി ചിരിക്കുക എന്നാണ് വീഡിയോയ്ക്കൊപ്പം ബച്ചൻ കുറിച്ചിരിക്കുന്നത്.
