ക്യാബ് ഡ്രൈവറെയും കൊണ്ട് അപകടകരമായ രീതിയിൽ വാഹനം ഓടിക്കുന്ന യുവാവിന്റെ വീ‍ഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. 

ഗാ​സി​യാ​ബാ​ദ്: കാറിൽ ഇടിച്ചത് ചോദ്യം ചെയ്ത ക്യാബ് ഡ്രൈവറെ ബോണറ്റിൽ തൂക്കി 23 കാരൻ കാർ ഓടിച്ചത് രണ്ട് കിലോമീറ്റർ. ഉ​ത്ത​ർ​പ്ര​ദേ​ശി​ലെ ഗാ​സി​യാ​ബാ​ദിലാണ് സം​ഭ​വം. ക്യാബ് ഡ്രൈവറെയും കൊണ്ട് അപകടകരമായ രീതിയിൽ വാഹനം ഓടിക്കുന്ന യുവാവിന്റെ വീ‍ഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. 

23 വ​യ​സു​കാ​രനായ രോ​ഹ​ൻ മി​ത്ത​ലാ​ണ് ക്യാ​ബ് ഡ്രൈ​വ​റെ ബോണറ്റിൽ തൂക്കി കാ​ർ ഓ​ടി​ച്ച​ത്. നോ​യി​ഡ 62 വഴി വരികയായിരുന്ന ക്യാബ് ഡ്രൈ​വ​ർ വി​ർ​ഭ​ൻ സിം​ഗി​ന്‍റെ കാ​റി​ൽ അ​മി​ത വേ​ഗ​ത്തിൽ വന്ന രോഹന്‍റെ കാ​ർ ഇ​ടിച്ചു. ഇതോടെ വി​ർ​ഭ​ൻ യുവാവിന്റെ കാർ തടഞ്ഞ് നിർത്തുകയും ഇയാളോട് വാഹനത്തിൽ നിന്നും പുറത്തിറങ്ങാൻ ആവശ്യപ്പെടുകയും ചെയ്തു.

Scroll to load tweet…

എന്നാൽ കാ​റു​മാ​യി വേ​ഗ​ത്തി​ല്‍ ഓ​ടി​ച്ചു​പോ​കാൻ ശ്രമിക്കുകയായിരുന്നു. ഇതോടെ കാറിന്റെ ബോണറ്റിൽ പിടിച്ച വി​ർ​ഭ​ൻ സിം​ഗിനെയും കൊണ്ട് വേ​ഗത്തിൽ വാഹനം ഓടിക്കുകയായിരുന്നു യുവാവ്. ര​ണ്ടു കി​ലോ​മീ​റ്റ​റോളം ബോണറ്റിൽ തൂങ്ങികിടന്ന വീർഭനെ നാ​ട്ടു​കാ​രും പൊ​ലീ​സും ചേ​ർ​ന്നാണ് രക്ഷപ്പെടുത്തിയത്. സം​ഭ​വ​ത്തി​ൽ രോ​ഹ​ൻ മി​ത്ത​ലി​നെ​തി​രെ ഇ​ന്ദി​രാ​പു​രം പൊ​ലീ​സ് കേ​സെ​ടു​ത്തു.