Asianet News Malayalam

ഓസ്ട്രേലിയന്‍ ഓപ്പണ്‍: ജോക്കോവിച്ച് മൂന്നാം റൗണ്ടില്‍; വീനസ്, ക്വിറ്റോവ പുറത്ത്

മൂന്നാം സീഡ് ഡൊമിനിക് തീമും മൂന്നാം റൌണ്ടിലെത്തി. തീം നേരിട്ടുള്ള സെറ്റുകൾക്ക് ഡൊമിനിക് കോപ്ഫെരിനെ തോൽപിച്ചു. സ്കോർ 6-4, 6-0, 6-2. അതേസമയം പതിനേഴാം സീഡ് സ്റ്റാൻ വാവ്രിങ്ക രണ്ടാം റൗണ്ടിൽ പുറത്തായി.

Australian Open: Novak Djokovic Reaches Third Round
Author
Melbourne VIC, First Published Feb 10, 2021, 7:09 PM IST
  • Facebook
  • Twitter
  • Whatsapp

മെല്‍ബണ്‍: ഓസ്ട്രേലിയൻ ഓപ്പൺ ടെന്നിസിൽ ലോക ഒന്നാം നമ്പർ താരം നൊവാക് ജോകോവിച്ച് മൂന്നാം റൌണ്ടിൽ കടന്നു. അമേരിക്കൻ താരം ഫ്രാൻസെസ് തിയാഫോയെ തോൽപിച്ചാണ് ജോകോവിച്ചിന്‍റെ മുന്നേറ്റം. അതിശക്തമായി പൊരുതിയ തിയാഫോയ്ക്കെതിരെ 6-3, 6-7 , 7-6 , 6-3 എന്ന സ്കോറിനായിരുന്നു ഒൻപതാം കിരീടം ലക്ഷ്യമിടുന്ന ജോകോവിച്ചിന്‍റെ ജയം.

മൂന്നാം സീഡ് ഡൊമിനിക് തീമും മൂന്നാം റൌണ്ടിലെത്തി. തീം നേരിട്ടുള്ള സെറ്റുകൾക്ക് ഡൊമിനിക് കോപ്ഫെരിനെ തോൽപിച്ചു. സ്കോർ 6-4, 6-0, 6-2. അതേസമയം പതിനേഴാം സീഡ് സ്റ്റാൻ വാവ്രിങ്ക രണ്ടാം റൗണ്ടിൽ പുറത്തായി. ഹങ്കേറിയൻ താരം മാർട്ടൻ ഫുക്സോവിക്സാണ് വാവ്രിങ്കയെ തോൽപിച്ചത്. സ്കോർ 7-5, 6-1, 4-6, 2-6, 7-6.

വനിതകളിൽ ഒൻപതാം സീഡ് പെട്ര ക്വിറ്റോവ രണ്ടാം റൌണ്ടിൽ പുറത്തായി. രണ്ട് തവണ ഗ്രാൻസ്ലാം കിരീടം നേടിയിട്ടുള്ള ക്വിറ്റോവയെ സൊറാണ ക്രിസ്റ്റിയയാണ് തോൽപിച്ചത്. സ്കോർ. 6-4, 1-6, 6-1. 44 അൺഫോഴ്സ്ഡ് എററുകളും ഏഴ് ഡബിൾ ഫോൾട്ടുകളുമാണ് ക്വിറ്റോവയ്ക്ക് തിരിച്ചടിയായത്. വീനസ് വില്യംസും രണ്ടാ റൌണ്ടിൽ പുറത്തായി. ഇറ്റാലിയൻ താരം സാറ ഇറാനിയാണ് നേരിട്ടുള്ള സെറ്റുകൾക്ക് വീനസിനെ തോൽപിച്ചത്. സ്കോർ 6-1, 6-0.

അതേസമയം മുൻ ചാമ്പ്യൻ സെറീന വില്യംസ്, ഗാർബിൻ മുഗുരുസ എന്നിവർ മൂന്നാം റൌണ്ടിലെത്തി. മൂന്നാം സീഡ് നവോമി ഒസാക്ക ഫ്രഞ്ച് താരം കരോളിൻ ഗാർസ്യയെ തോൽപിച്ച് മൂന്നാം റൗണ്ടിലെത്തി. 6.2, 6.3 എന്ന സ്കോറിനായിരുന്നു ഒസാക്കയുടെ ജയം.

Follow Us:
Download App:
  • android
  • ios