പാരിസ്: ഫ്രഞ്ച് ഓപ്പൺ ബാഡ്മിന്‍റണ്‍ പുരുഷ ഡബിള്‍സില്‍, ഫൈനല്‍ പ്രതീക്ഷയുമായി ഇന്ത്യയുടെ സാത്വിക് സായിരാജ്-ചിരാഗ് ഷെട്ടി സഖ്യം ഇന്നിറങ്ങും. ക്വാര്‍ട്ടര്‍ പോരാട്ടത്തില്‍ എട്ടാം സീഡായ കിം അസ്ട്രപ്-ആന്‍ഡേഴ്സ് റാസ്മസന്‍ സഖ്യത്തെ ഞെട്ടിച്ചാണ് ഇന്ത്യന്‍ സഖ്യത്തിന്‍റെ മുന്നേറ്റം. നേരിട്ടുള്ള ഗെയിമുകള്‍ക്കായിരുന്നു ജയം. സ്കോര്‍ , 21.13, 22.20.

അതേസമയം ലോക ചാംപ്യന്‍ ഇന്ത്യയുടെ പി വി സിന്ധു ഫ്രഞ്ച് ഓപ്പൺ ബാഡ്മിന്‍റണിന്‍റെ സെമി ഫൈനൽ കാണാതെ പുറത്തായി. ക്വാര്‍ട്ടറില്‍ ലോക ഒന്നാം നമ്പര്‍ താരം തായി സു യിങാണ് സിന്ധുവിനെ വീഴ്ത്തിയത്. സ്കോർ 16-21, 26-24,18-21.

ലോക ചാംപ്യന്‍ ആയതിന് ശേഷം പോരാട്ടത്തനിറങ്ങിയ ടൂര്‍ണമെന്‍റുകളിലൊന്നും സിന്ധുവിന് സെമി കാണാനായിട്ടില്ല. ചൈന, കൊറിയ, ഡെന്‍മാര്‍ക്ക് ഓപ്പണുകളില്‍ ഇന്ത്യന്‍ താരം സെമിക്ക് മുമ്പെ പുറത്തായിരുന്നു. നേരത്തെ ഇന്ത്യയുടെ മറ്റൊരു പ്രതീക്ഷയായ സൈന നെഹ്‍വാളും ഫ്രഞ്ച് ഓപ്പണില്‍ നിന്ന് തോറ്റ് പുറത്തായിരുന്നു